Katar memleketi astanasy Dohada «Úzdikterdiń úzdigi» ataýymen Quran oqý boıynsha halyqaralyq konkýrs ótti. 10 kúnge jalǵasqan jarysta qatysýshylar Qurandy jatqa oqýdan synǵa tústi.
Halyqaralyq konkýrsqa álemniń 21 memleketinen 37 qarı qatysty. Jarystyń bas júldesine 1 mıllıon katar rıaly (275 myń AQSH dollary) tigildi. Bul osy kúnge deıin Quran jarystaryndaǵy eń úlken soma bolyp otyr, dep habarlaıdy ummet.kz-aqparat.
Al úlken jarystyń ádil qazylar qatarynda álem boıynsha ıslam ǵalymdary men ǵulamalary boldy. Al qarı, hafızderdiń jarysy spýtnıktik telearnalar arqyly tikeleı efırde berildi. Jarystyń qorytyndy aınalymy Katar ultyq teatrynda ótti. Halyqaralyq Quran konkýrsynyń bas báıgesine Kýveıt elinen kelgen Halıd ál-Inatı laıyq dep tanyldy. Jeńimpazdardy Katar Ýaqf jáne ıslam isteri mınıstrli, doktor Geıs bın Múbárak ál-Kavarı men Mádenıet jáne sport mınıstri, doktor Salah bın Ganım ál-Álı tabystady.
