Astanada Bas prokýratýranyń aldynda ózin órtep jibergen Maıra Rysmanova qaıtys boldy dep habarlaıdy kazinfo.today.

Denesiniń 60% kúıik shalǵan M.Rysmanova  búgin tań erteń qaıtys boldy. Buǵan deıin dárigerler onyń esin jınaǵanyn aıtqan.

6 jeltoqsanda Bas prokýratýranyń baqylaý pýnktinde 48 jasar Maıra Rysmanova ústine benzın quıyp, ózin órtep jibergen. Osylaısha ol prokýror men qoǵamnyń nazaryn ózine aýdarmaq bolǵan. Onyń oıynsha balasyna shyǵarylǵan sot úkimi ádiletsiz.

Bas prokýratýrada sottalǵan jigitti uıymdasqan qylmystyq toptyń kóshbasshysy bolǵanyn aıtty. Bas prokýror Jaqyp Asanov: «Bul kezdeısoqtyq emes. Maıra Rysmanovanyń jan aıqaıyn eshkim estimedi. Bul máseleni óz baqylaýyna alamyn» dep parlament májilisiniń otyrysynda aıtty.

Keshe ǵana Astana prokýrorlary Maıra Rysmanovaǵa qan ótkizgen edi.