Naryqtyq ekonomıkamyzdyń basym baǵyty - kásipkerlikti damytý. Óńirimizde sol sebepten de toqyma óndirisi keńinen qanat jaıýda. Memlekettik mańyzy bar iske jastar da qyzý qoldaý kórsetip otyr. Búgin ońtústik oblystyń bir top stýdenti toqyma isimen aınalysatyn kásiporyndarǵa sapar shekti. Sol arqyly kásiptik bilim alýshylar otandyq óndiristi órkendetýge alǵashqy qadamyn jasady.

            Bul - «Baltekstıl» jaýapkershiligi shekteýli seriktestigi. Údemeli ındýstrıaldy ınovasıalyq damý baǵdarlamasy aıasynda iske qosyldy. Óndiristik qýaty jylyna 8 myń tonna kilem toqýǵa jetedi. Munda 450 jergilikti turǵyn jumyspen qamtylǵan.  Jumysshylardyń 60 paıyzdan astamy –jastar.

            Búgin fabrıkanyń jumysymen tanysýǵa 50-den asa jas keldi. Solardyń biri Symbat №5 kolejde oqıdy. Mamandyǵy-toqymashy. Bolashaq jumys ornyn ázirden tańdap júr. Sebebi, Ońtústik erkin ekonomıkalyq aımaǵynda budan ózge birneshe kásiporyn bar. Qaısysynda qandaı múmkindikter qarastyrylǵan, sony saralaýda.

            Óndiris oryndarynyń jumysymen tanysyp shyqqan jastar ózderine qajetti málimet aldy. Mundaı sharalar jastardyń tehnıkalyq mamandyqtardy tańdaýǵa jáne óz kásibin ashýǵa qyzyǵýshylyǵyn arttyrary sózsiz. Eńbektenýden qashpaıtyn, jigerli jastardy mundaı mamandyqtarǵa baýlý isi oblysta oń nátıje bereri sózsiz. Sebebi elimizde jeńil ónerkásipti qaıta jandandyrýǵa Úkimet baǵdarlamasy boıynsha da kóńil bóline bastady.