Saıramdaǵy Qarasý aýyldyq okrýgindegi «Mártóbe» óndiristik kooperatıviniń dıqandary jyl on eki aıda bir tynym tappaıdy, árdaıym jumys kózin tabady.  Bul mekemeniń jumysshylary eńbekteriniń jemisin de kóredi. Óıtkeni, eńbekke degen qushtarlyǵy úlken jetistikterge ákelip otyr. Astyq jınaýdan ońtústik óńir  rekord jınaǵanyn aıta ketý kerek. Saıram ejelden aýyl sharýashylyǵyndaǵy úlken jetistikterimen, úlken bastamalarymen kózge túsken. Sondyqtan bul aýyldyq okrýgtiń jóni bólek deýimiz de oryndy-aq.

          Bıyl dıqandar qaýymy ár gektardan 18 sentnerden astyq jınady. 1300 gektar tanapqa ósirilgen ónimniń bıylǵy shyǵymy jaman bolǵan joq. Kooperatıv bıyl 350 gektar alqapqa maqsary ekken, gektar túsimi 6 sentnerden aınaldy. Bul ótken jylmen salystyrǵanda úlken kórsetkish. Sondyqtan mundaı jetistikter tek bir aýdannyń ǵana emes, búkil Ońtústik Qazaqstan oblysynyń maqtanyshy ekenin aıta ketý kerek.

          Búginde mártóbelikter barlyq eginshilik sharalarynyń talaptaryn qatań saqtaı otyryp, kúzdik jer jyrtýdy qarqyndy júrgizip jatyr. Bul turǵyda eńbek etip jatqan jumysshylardyǵ yntasy da jaman emes. Sebebi, ár kúnniń jylǵa azyq ekenin jaqsy uqqan sharýalar jaqynda kúzdik tuqym sebýdi bastamaq.

A.Ádiluly

«Ońtústik Qazaqstan» gazeti