Astanada Táýelsizdik saraıynda ótip jatqan Táýelsizdiktiń 25 jyldyǵyna arnalǵan saltanatty sharada Memleket basshysy Nursultan Nazarbaev Prezıdent, Parlament pen Úkimet arasynda ókilettikterdi qaıta bóletin ýaqyt jetkenin aıtyp, arnaıy komısıaǵa osy máseleni zerdeleýdi tapsyrdy, dep habarlaıdy Baq.kz

«Táýelsizdik tarıhy jańa memleketti qurý, reformalardy júzege asyrýdyń tabysyn, eń aldymen, qýatty prezıdenttik bılik qamtamasyz etetinin kórsetip otyr. Memleketti damytýdyń jańa kezeńi obektıvti túrde eldegi ahýal úshin parlament, úkimettiń jaýapkershiligin arttyrý máselesin qoıady. Konstıtýsıada qarastyrylǵandaı, Qazaqstanda prezıdenttik basqarý formasy bar memleket boldy jáne osylaı bola beredi. Bul bizdiń qazirgi damýymyzdy, bizdiń tarıhymyzdy, mádenıetimizdi jáne bizdiń dástúrimizdi kórsetedi», - dedi N.Nazarbaev.

«Munymen qatar Prezıdent, Parlament pen Úkimet arasynda ókilettiktedi qaıta bólý máselesin qarastyratyn ýaqyt jetti. Arnaıy komısıa osy máselelerdi zerdelep, tıisti zańdarǵa, múmkin Konstıtýsıaǵa ózgerister engizý boıynsha usynystar engizýi kerek», - dedi Elbasy.