“AŃYZ ADAM” JÝRNALYNA BAILANYSTY EKİ ÁKİMSHİLİK SOT, BİR AZAMATTYQ SOT JÁNE BİR QYLMYSTYQ SOT JÚRİP JATYR.

 «Daýdyń basy – Daırabaıdyń kók sıyry» demekshi, tamyz aıynda 100-shi sanyn jarıalap otyrǵan qazaqtyń tarıhı-tanymdyq eń úzdik jýrnaly «Juldyzdar otbasy AŃYZ ADAMNYŃ» basyndaǵy tórt aıdan bergi daý sáýir aıynyń 17-indegi Reseıdiń «Regným» atty aqparattyq agenttiginiń bir japyraq burmalanǵan naqaq jalasynan bastaý aldy. Erteńine ol jalaly maqalany Qazaqstannyń orystildi úkimettik saıttary aq-qarasyn teksermeı, sol kúıinde birinen keıin biri kóshirip basty. KTK telearnasy burmalanǵan aqparat pen Adolf Gıtlerdiń sýreti basylǵan «AŃYZ ADAMNYŃ» kezekti sanyn jasy toqsandaǵy úıinde jatqan soǵys ardagerlerine kórsetip, mine, kórdińizder me, Gıtlerdi dáriptep, fashızmdi nasıhattap otyr dep, qazaqsha oqı almaıtyn qarttardy jýrnal redaksıasyna qarsy qoıdy. KTK-nyń «Novostı» baǵdarlamasy kúni búginge deıin meni – J.Qalybaıdy SKAT kompanıasynyń ushaǵynda stúardessa qyzdy teýip aty shyqqan dep, meniń oqıǵamnan bir aı keıin shý bolǵan atyraýlyq Meırambek Bıǵalı týraly daýdy kópe-kórneý maǵan japsyryp, faktilerdi aýystyryp, ádeıi meni orystildi álemge «buzaqy» etip kórsetýge baryn salýda. KTK-nyń jalasyn tekserip almaı, elimizdiń úkimettik jáne úkimettik emes saıttary birinen keıin biri KTK habaryna súıenip, «meniń stúardessany tepken buzaqy» (proslavılsá tem, snachala pnýl stúardessý, a potom ızdal jýrnal o Gıtlere – KTK tilshisiniń sózi) obrazymdy somdaý ústinde.

Osy ótirikke sengen bir top aýǵan soǵysynyń ardagerleri «NOD Kazahstana» atty KSRO-ny qaıta tiriltýdi kókseıtin separatıstik uıymnyń jetekshiligimen «AŃYZ ADAM» jýrnalyn jurt aldynda (Almatydaǵy 28 panfılovshylar saıabaǵynda) jaǵý aksıasyn eshqandaı bıliktiń ruqsatynsyz júzege asyrdy.

«My hotım prıvlech glavnogo redaktora k ýgolovnoı otvetstvennostı ı dobıtsá otzyva lısenzıı ý jýrnala. Lúbye ekstremıstskıe, provokasıonnye ılı fashısskıe tolkovanıa doljny mgnovenno presekatsá. Ý nas estsvoı geroı, na kotoryh nýjno ravnátsá grajdanam Kazahstana, ı Gıtlera v etom spıske net. Stavıt ego lıso na oblojký jýrnala v kanýn 69-letıa so dná zavershenıa Velıkoı Otechestvennoı voıny – eto koshýnstvenno ı daje prestýpno. My ýsmotrelı v etoı pýblıkasıı propagandý fashızma ı zachatkı propagandy nasıonalızma, protıvopostavlenıa nasıı drýg drýgý ı v svete etogo provelı dannýıý aksıý», – dedi bir aýyz qazaqsha bilmeıtin aýǵan soǵysynyń ardageri Asylhan Hamıtovıch Janabaev. Bul sózdi barlyq orystildi baspasóz jarıaǵa jar salyp habarlady.

Osydan keıin aksıadan beri «AŃYZ ADAM» jýrnalyna baılanysty eki ákimshilik sot, bir azamattyq sot jáne bir qylmystyq sot júrip jatyr. Týra sol kúni Ulttyq baspasóz ortalyǵynda ótken jıynda A.Áshimov, M.Shahanov, M.Qoıgeldıev, J.Qýanyshálın bastaǵan qazaq zıalylarynyń «AŃYZ ADAMǴA» jabylǵan jala dáıeksiz ekenin dáleldegen pikirlerin birde-bir úkimettik telearna men baspasóz halyqqa taratpady. Bul azdaı Reseı Federasıasynyń Syrtqy ister mınıstrligi Qazaqstanǵa narazylyq notasyn joldap, Qazaqstan terıtorıasynda mundaı basylymnyń jaryq kórýine eshqandaı da jol berilmeýi keregin jáne tıisti resmı shara qoldanylý keregin (V note podcherkıvaetsá absolútnaıa nedopýstımosttakogo roda pýblıkasıı na terrıtorıı Kazahstana ı soderjıtsá prızyv dat «adekvatnýıý ofısıalnýıý reaksıý» – voxpopuli.kz) aıtyp, elimizdiń ishki isine aralasyp, zańsyz buıryq berdi.

Osy buıryqtardy ile-shala júzege asyrý sharalary qolǵa alyndy:

1. Almaty qalalyq ákimdiginiń İshki saıasat basqarmasynyń bergen aryzy boıynsha 11 mamyr kúni Almaty ákimshilik mamandandyrylǵan soty «Juldyzdar otbasy», «AŃYZ ADAM», «Juldyz-joramal» jýrnaldarynyń 2014 jylǵy 4 sanynda baspahananyń aty-jóni kórsetilgenimen meken-jaıy jazylmapty dep 120 eseptik kórsetkish boıynsha aıypaqy tóletti.
2. Almaty qalalyq Almaly aýdanynyń №2 aýdandyq soty Almaty qalasyndaǵy «Mamyr-7» shaǵyn aýdanynyń 8-úıinde ornalasqan 13 ardagerdiń negizsiz shaǵymyna súıenip, bir aı boıy bizdi azamattyq sot otyrystaryna úsh ret súırep, 30 maýsym kúni «fashızmdi nasıhattaǵany úshin» Qazaqstan halqy men Uly otan soǵysynyń ardagerlerinen jarıa túrde keshirim suraýdy jáne shaǵym bergen ardagerlerdiń «moraldyq zalalynyń ornyn toltyrý úshin» ár qaısysyna 1 mıllıon teńgeden ótemaqy tóleýimizdi mindettedi. Qazir biz bul úkimmen kelispeıtinimizdi bildirip, qalalyq appelásıalyq sotqa júginýdemiz. Biraq sot ún-túnsiz jatyr.
3. Sot otyrysyna qatysqan 31 telearna men «Alash aınasy» ınternet-gazetiniń tilshileri dáleldegenindeı «Ardagerler úıinde» jatqan orystildi qarıalardyń Gıtler týraly jýrnaldy oqymaq túgili, qolyna ustap kórmeı bizdi aıyptap otyrǵan aıtyp, biraq olardyń senimdi ókili Nurtas Ahmetov uıymdastyrǵan negizsiz shaǵym boıynsha bizdi naqaqtan sottatqan ol ókildi qylmystyq jaýapqa tartýdy surap, Almaly aýdandyq sotyna úsh ret aryzdandyq. Z.Ahmetova degen sýdıa aryzymyzdy «anaý joq, mynaý joq» dep eki ret zańsyz qaıtaryp jiberdi. Bizge kópe-kórneý jala jaýyp otyrǵan Nurtas Ahmetovty tergemesten, sottamastan, syrttaı kinásiz dep tanýda. Endi bizdiń úshinshi qaıtara jazǵan aryzymyzǵa jaýap bermeı otyr.
4. Almaty qalasy İshki ister departamenti tergeý basqarmasynyń tapsyrysy boıynsha jasalǵan sot-fılologıalyq saraptamasy: «zertteýge usynylǵan «Ańyz adam» jýrnalynyń №8 (92) sáýir 2014 jylǵy sanynda jarıalanǵan Adolf Gıtlerge qatysty «Adolf Gıtler – fashıs emes» maqalasynda ekstremızmdi aqtaý belgileri bar.

Saýalnama aıdarynda jarıalanǵan «Siz úshin Gıtler qandaı tulǵa?» suraǵyna bergen «Maın Kampfta» kóp máseleler durys jazylǵan» jáne «Adolf Gıtler – fashıs emes» maqalalarynda ekstremızmdi aqtaý belgileri bar bolýy múmkin», – dep qorytyndysynyń birinshi bóliginde «ekstremızmdi aqtaý belgileri bar» degen «Adolf Gıtler – fashıs emes» atty maqalany qorytyndynyń ekinshi bóliginde «ekstremızmdi aqtaý belgileri bar bolýy múmkin» dep ózderi aqtap nemese ekstremızmdi aqtaý belgileriniń bar-joǵyn aıyra almaı, ekiushty, dúdámál qorytyndy shyǵarǵan. Iaǵnı, qorytyndy tıanaqsyz.

Biraq, osy saraptama qorytyndysyna súıenip Almaly İshki ister basqarmasy bizdi «Ákimshilik quqyq buzýshylyq týraly kodekstiń» 344-baby 2-shi tarmaǵyna sáıkes jáne bir sotqa tartty. Bul sottyń 18 shilde kúni alǵashqy otyrysy boldy, endi 24 shilde kúni jalǵasy ótedi. Bul sot redaksıanyń saýalnama suraqtaryna bergen Naǵashybaı Esmyrzanyń «Adolf Gıtler – fashıs emes» atty jaýabyna ǵana qadalyp otyr. Tutas kitap sıaqty bir taqyrypqa arnalǵan 52 bettik jýrnal sanynyń mazmunyn tutas kontekste qaramaı, bir bettik pikirdi úzip-julyp bólek qarastyrýda.

«AŃYZ ADAM» jýrnalynyń Gıtlerge arnalǵan sanyna «Ádil sóz» sóz bostandyǵyn qorǵaý halyqaralyq qory janyndaǵy Aqparattyq jáne qujattyq daýlar boıynsha saraptamalardyń qoǵamdyq ortalyǵy tapsyrysy boıynsha táýelsiz sarapshylardyń saraptamasy jasaldy. Bul saraptamanyń sarapshylary «Juldyzdar otbasy AŃYZ ADAM» jýrnalynyń 2014 jylǵy №8 sanynda jarıalanǵan materıaldarda ekstremızmdi aqtaý belgileri joq» dep ádil qorytyndy shyǵardy. Biraq buǵan qulaq asatyn ádil sot tabylsa jarar edi.

Osylaısha «AŃYZ ADAMNYŃ» saý basy Adolf Gıtlerdiń zulymdyǵyn áshkereleımin dep, qaıta daýǵa qaldy.

Qurmetpen,

Jarylqap

Qalybaı.

(22.07.2014)

"Qamshy" silteıdi - qamshy.kz