«Apatqa ushyraǵan Malaızıa áýe laınerindegi 17 jastaǵy jolaýshy qyzdyń ákesi Reseı prezıdenti Vladımır Pýtınge jan júrekti aýyrtatyn ashyq hat jazdy»,-deıdi «Haffıngton Post» aqparattyq saıty «Hart Van Nederland» gázetine silteme jasap.

Maqala aldymen qyzdyń ákesi Hans de Borsttyń Feıcbýginde jaryq kórgen. Keıin «Hart Van Nederland» gázeti jarıalaǵan.

Janyn qaıǵy mújigen ákeniń haty bylaı bastalǵan deıdi «Haffıngton Post»: « Sizderge óte-óte úlken rahmet, Pýtın myrza, separatısterdiń basshylary nemese Ýkraına úkimeti. Meniń súıikti de jalǵyz balamdy óltirgenderińe rahmet».

Hans de Borsttyń qyzy Elsemiek beısenbide Amsterdamnan Kýala-Lýmpýrǵa bet alyp, Ýkraınanyń shyǵysyna jetkende atyp túsirilgen áýe laınerdegi 298 jolaýshynyń biri. Qyrshynynan qyıylǵan qyz sol ushaqpen aǵasy, sheshesi jáne ógeı ákesimen birge Malaızıaǵa saıahattaýǵa bara jatqan eken.

Hans de Borsttyń jazbasyn «Haffıngton Post» Goland tilinen bylaı aýdarǵandyǵyn aıtypty: «Myrzalar, qyzymdy bir oqpen kúl-talqan qylyp, ózderin baqytty sezingen senderdiń tańerteń oryndaryńnan turǵanda aınadan ózderińdi bir kórýlerińdi tileımin!».

Qaıǵydan qan jutqan Hans de Bors hatynyń sońyn Vladımır Pýtınniń jeke ózine arnaǵan eken: ««Pýtın myrza: Men sizdiń kózińizdi ashyp turyp, bizdiń premer-mınıstr Rúttemen adamsha sóılesýińizdi tileımin!!!».

Atyp túsirilgen áýe laınerdegi jolaýshylardyń basym kóbi golandtar.

«Oqıǵa ornyndaǵy Nıderlandy mamandary qaza tapqandardyń kimder ekendigi anyqtala salysymen, týysqandaryna habarlaımyz dep otyr»,-deıdi CNN-dyqtar. «Bul anqytaýlardyń keıbireýi tez bolǵanymen, birneshe apta nemese birneshe aıǵa sozylatyndary da bar»,-dep eskertken Nıderlendy premer-mınıstri Mark Rútte.

Derekkóz: «Haffıngton Post» jáne CNN.

Ázirlegen Talǵar Dálelǵazy

"Qamshy" silteıdi - qamshy.kz