Óskemende Reseı Bas konsýldyǵynyń ýaqytsha tobynyń basshysy, dıplomat Roman Skrylnıkovtyń óli denesi páterinen tabylǵan,- dep habarlaıdy Tengrinews.kz tilshisi.  Aldyn ala boljam boıynsha, dıplomat ınfarkttan qaıtys bolǵan.

Qolda bar málimet boıynsha, Bas konsýldyqtyń qyzmetkeriniń máıitin onyń jaldap turyp jatqan páterinen júrgizýshisi tapqan. Tártip saqshylary onyń denesinen zorlyq belgilerin tappady. Skrylnıkov ınfarkttan qaıtys boldy delinedi. Polıseıler qazanyń mán-jaıyn anyqtap jatyr.

RF-nyń Óskemendegi Bas konsýldyǵyndaǵylar qaıǵyly oqıǵaǵa qatysty pikir bildirýden bas tartty. 

"26 jeltoqsanda Reseı Federasıasynyń saparǵa jiberilgen azamaty Roman Skrylnıkovtyń Óskemende ınfarkttan qaıtys bolǵanyn rastaımyz. Qazirgi ýaqytta marqumnyń denesin Reseıde jetkizý boıynsha jumystar júrgizilip jatyr", - dedi tilshimizge RF-nyń Qazaqstandaǵy Elshiliginiń baspasóz qyzmetkeri Ilá Lábýhov.