Izraıldyń qorǵanys mınıstri Avıgdor Lıberman Fransıada túratyn evreılerdi bul memleketten ketýge shaqyrdy. Ol bul sózin Parıjde ótetin taıaýshyǵystyq beıbitshilik konferensıasy aıasynda málimdedi.
«Fransıadaǵy evreılerge aıtatyn kez týdy: bul senderdiń elderiń emes, jerleriń de emes, qaıtatyn ýaqyt keldi», – dep málimdedi mınıstr.
Lıberman konferensıany memleketke jáne óziniń atyna daq túsiretin «Izraılǵa qarsy trıbýnal» dep atady.
Qańtar aıynda Parıjde Izraıl men Palestınanyń arasyndaǵy shıelenisti retteý joldaryn qarastyrý maqsatynda kóp jaqty forým ótedi. Alaıda, Izraıl konferensıaǵa qatysýdan bas tartyp, Fransıany konferensıany ótkizýden bas tartýǵa shaqyryp otyr.
