Sırıa prezıdenti: «Eger eýropalyq elder Sırıa halqyna kómek kórsetkisi kelse aldymen lańkesterdi qoldaýdy doǵarsyn» dedi. Bul týraldy Parstoday habarlady.
Sırıa prezıdenti Bashar Asad Damaskte Eýropa Parlamenti men Reseı Dýmasy ókilderiniń birlesken delegasıasyn qabyldaýda: «Eýropalyq basshylar Sırıa daǵdarysynyń el halqynyń qolymen sheshiletindigin túsinip, óz elderindegi lańkestik shabýyldardyń olardyń qate saıasatynyń saldarlary ekenin moıyndaýy kerek. Eýropalyq elder sırıalyqtardyń turmysynyń negizgi qajettilikterin nysanaǵa alyp otyrǵan zulym sanksıalardy toqtatýy tıis» dedi.
Aıta keter bolsaq, ol osydan 15 kún buryn da osyǵan uqsas málimdeme jasaǵan bolatyn.
Sırıa Prezıdenti Batys elderiniń Sırıadaǵy lańkestik toptardy qoldap otyrǵanyn synap: «Batys elderi Sırıada lańkesterdi saqtap qalýdy kózdep otyr»,- dedi.
Sırıa Prezıdenti Bashar Asad 14 jeltoqsan kúni «Russia Today» telearnasyna bergen suhbatynda: «Batys elderi «Sırıa armıasy men onyń odaqtastary lańkesterdi jeńýde shekten tys ilgeriledi» dep sanaıdy, sondyqtan bar kúshterin salyp lańkesterdi Sırıada saqtap qalyp, qutqarýdy kózdep otyr. Batys elderi Aleppodaǵy jeńisti álsiretip, solǵyndatý maqsatynda Sırıa armıasynyń nazaryn Palmıraǵa buryp, olardyń ilgerileýiniń aldyn alǵysy keldi. Alaıda olardyń bul isi nátıje bermeı, Aleppo azat etildi»,- dedi.
