QR İİM Memlekettik til jáne aqparat departamentiniń dırektory Almas Sadýbaev «2017 jyldan bastap jol polısıasy kólik toqtatý úshin taıaqsha qoldanbaıdy» dep málimdegen edi.
Qazirgi ýaqytta, birqatar eýropalyq elde jol polısıasy kólikti toqtatarda arnaıy taıaqsha (jezl) qoldanbaıdy. Halyqaralyq standarttarǵa sáıkes, 2017 jyldyń 1 qańtarynan bastap Qazaqstannyń ishki ister organdarynyń qyzmetkerleri de kólikterdi toqtatý úshin arnaıy taıaqsha qoldanbaıtyn bolady, dep habarlady QR İİM.
«Endi jol polıseıleri kólikti toqtatý úshin qolyn kóterip, «toqta» degen belgi beredi jáne sonymen birge ysqyryqty da paıdalanady nemese arnaıy dybys kúsheıtkish jáne jaryq beretin quraldardy da qoldana alady, sondaı-aq avtopatrýlmen de toqtatady. Jol erejesin buzǵandardy anyqtaý úshin beınekameralar, sonymen birge ishki ister organdarynyń beıne tirkeýishteri qoldanylady», - dedi İİM Memlekettik til jáne aqparat departamentiniń dırektory Almas Sadýbaev.
Áleýmettik jelide taıaqsyz qalǵan jolpoldyń jol erejesin buzǵan kólikti toqtata almaı júrgeni týraly ázil vıdeo paıda boldy.
