Vashıngtonnyń 35 dıplomatty shekaradan shyǵarýy men  Nú-Iork pen Merılendtaǵy Orys dıplomatıasyn jabý sheshiminen soń Reseı dıplomattary Merılendtaǵy ortalyq vıllalardan keshe tańerteńnen bastap kete bastaǵan.

Dıplomattardyń otbasyn shamamen 8 avtokólik, bir avtobýs jáne bir júk kóliginen quralǵan kortej jergilikti saǵat boıynsha 11.35 shamasynda alyp bara jatqany kameraǵa túsken.

Dıplomattar  jeke múlikterin tasý sebebinen polısıanyń qorǵaýysyz ketti, ári BAQ ókilderine eń jaqyn degende 1,5 km qashyqtyqqa deıin ǵana jaqyndaı alatyn shekteý qoıylǵan.

Dıplomattar korteji Máskeýden jiberilgen arnaıy ushaqqa deıin qalpyn buzbaı jetken.

Aıta keter bolsaq, Amerıka bıligindegiler AQSH-tan reseılik 35 mámilegerdi elden shyǵaryp, jumadan beri Reseıdiń Merılend pen Nú-Iork shtatyndaǵy eki mámilegerlik ókildikti jaýyp jatyr, - dep habarlaǵan edik.

29 jeltoqsanda, beısenbide Barak Obama Reseıge qatysty jańa sanksıalar týraly qaýlyǵa qol qoıdy. AQSH qarjy mınıstrliginiń málimetinshe, sanksıa Reseıdegi alty adam men bes vedomstvo úshin engizilip otyr. Olardy amerıkalyq júıelerge kıbershabýyl jasady dep aıyptap otyr.