Qazaqstanda búginge deıin jekeshelenbegen ne qaldy ózi?

Jer de, zaýyt-fabrıkalar da, sharýashylyqtar da,  jer asty, jer ústi qazba baılyqtary da? Munaı da, gaz da, altyn da, kúmis te, ýran da, basqa da tolyp jatqan tústi metaldar da, túgelge jýyq joǵary oqý oryndary men ǵylym akademıasy, Jazýshylar odaǵy sıaqty ártúrli odaqtar da, búkil memleket JSHS-ǵa aınalyp, jekeshelenip ketken be?

Endi prezıdent, úkimet, parlament, barlyq deńgeıdegi mınıstrler men ákimder, sottar júıesi de jekemenshikke aınalyp ketken joq pa ózi?

 Bulaı oılamasqa shara qalmaı tur.

Taıaýda barlyq memlekettik BAQ, ásirese, buryn memleket qaraýynda kelgen Qazaq radıosy, Shalqar radıosy, Astana men Maksıma radıolary JSHS-ǵa ótip ketipti. Endi bularda qyzmet istep kelgen qyzmetkerlerdiń barlyǵy derlik úsh aıdyń ishinde qysqartylýǵa jatady eken.

Árıne, ana TOO nemese JSHS, menshik ıesine artyq aqshany shashýdyń qajeti joq. Túsken paıdanyń barlyǵyn sol JSHS ıesi kórmek pe?

Al, sol JSHS-nyń artynda kórinbeı turǵan kim eken?

Buny bilý qıyn bolyp tur. Múmkin, ana Shodıev, Mashkevıch, Kım sıaqty mlııarderler me nemese Shyǵystaǵy alyp kórshimiz jekeshelendirip aldy ma? Joq, qara ormandaı qalyń orys pa, ıelenip alǵan? Buny qazir bizge eshkim  de aıtpaıdy.

Buqaralyq aqparat quraldarynyń, baılanys quraldarynyń, joldyń, jerdiń jekelenýi – tutastaı bir  memlekettiń jekelenýi dep uǵýymyz kerek...

Sonda myna bılik - barlyǵyn jekeshelendirip, ıaǵnı, jatqa satyp jiberip, ózderi qaıda baryp, bas saýǵalamaq eken?

Túsiniksiz...               

Jumash Kenebaı