Ystambuldaǵy lańkestik áreket saldarynan zardap shekkender arasynda Qazaqstan azamattary joq. Bul týraly elimizdiń Syrtqy ister mınıstrligi habarlady. Qazir jergilikti dıplomattar qosymsha aqparat alý maqsatynda quqyq qorǵaý organdarymen jumys júrgizip jatyr.

Anýar Jaınaqov, QR SİM baspasóz qyzmetiniń jetekshisi:

 - Aldyn ala aqparat boıynsha Ystambul qalasynda bolǵan terrorlyq áreket saldarynan zardap shekkender arasynda Qazaqstan azamattary joq. Bizdiń dıplomattar jergilikti quqyq qorǵaý jáne ákimshilik organdarymen tyǵyz baılanysta bolyp, tıisti aqparat alý jumystaryn jalǵastyrýda. Ystambulda turatyn azamattarymyzǵa eskertemiz, eger qandaı da bir jaǵdaı bolsa, shuǵyl túrde Ystambuldaǵy bas konsýldyqpen baılanysýdy suraımyz.

Qazaqstan Respýblıkasy Syrtqy ister mınıstrliginiń Ystambul qalasyndaǵy terrorlyq aktige baılanysty:

"2017 jyldyń 1 qańtarynda Ystanbul qalasynda jasalyp, ondaǵan adamdardyń qazasyna sebep bolǵan terrorlyq aktini kesimdi túrde aıyptaımyz.
Osy jıirkenishti qylmys arqyly terorızmniń kezekti áreketine kúá bolyp otyrmyz, onyń uıymdastyrýshylary men demeýshileri anyqtalyp, tıisti jazalaryn tartýǵa tıis.
Qaza bolǵandardyń otbasylarynyń qaıǵysyna ortaqtasa otyryp, jaraqat alǵandarǵa tezirek jazylyp shyǵýyn, al baýyrlas Túrkıanyń bıligine jáne halqyna terorızmmen kúreste kúsh-jiger, shydamdylyq pen tabandylyq tileımiz",- dep málimdeme jasady.