Iýtýbta MMA kúresshisiniń ózine jasalǵan shabýyldan keıingi vıdeosy paıda boldy.

Rasýl Mırzaevty 2017 jyldyń 1 qańtarynda shynjyrmen qylqyndyryp óltirmekshi bolǵan.

Aldynda habarlaǵanymyzdaı, úsh belgisiz adam Mırzaevty óz páterinde uryp-soǵyp, travmatıkalyq qarýmen jaralaǵan bolatyn. Baspasóz málimetinshe, Vostochnaıa kóshesinde Máskeý ýaqyty boıynsha saǵat 02:00 belgisiz úsh adam Mırzaevqa jabylyp, saqamen uryp, sportshyny travmatıkalyq qarýmen jaralap, oqıǵa ornynan qashyp ketken. Al, qaskúnemderdi páterine kirgizgen zardap shekkenniń tanysy. Shabýyldan soń, birden Rasýl jaqyn dosyna habarlasady. Ol páterine kelip, polısıa men jedel járdem shaqyrǵan.

Derekkózderge súıensek, qylmyskerler sportshyny shynjyrmen býyndyrmaqshy bolǵan, alaıda Mırzaev olarǵa toıtarys bergen.
– Qylmyskerler qashyp bara jatyp, páterde qarýlaryn jáne shynjyrdy qaldyryp ketken. Olar sonymen qosa, aqsha jymqyryp ketipti, biraq qansha aqsha alǵanyn Rasýl áli bilmeıdi. Olar baǵaly zattardy da alyp ketýi de ábden múmkin, – dep aıtyp berdi dosy jýrnalıserge.

Aýrýhanada Mırzaevtyń denesinen eki oqty shyǵaryp aldy, onyń bireýi júregine tıýge sál qalǵan eken.

Sportshynyń týystary «kek qaıtarý maqsatynja jasalǵan» dep jelide talqylanyp jatqan boljamdardy joqqa shyǵaryp otyr.

Tergeý jumystary podezde ornatylǵan vıdeobaqylaýdyń obektıvine túsip qalǵan qylmyskerlerdiń túrin anyqtady.

Kadrda qaskúnemder sportshy turatyn úıdiń podeziniń aldynda kútip turǵany kórsetilgen.

,