Shahanǵa týystaryna qonaqqa kelgen Artem Gagolko tótenshe jaǵdaıdan aman qalǵan. Ol sol sátte páterdiń opyrylmaǵan bóliginde bolǵan, - dep habarlaıdy Tengrinews.kz

Ókinishke qaraı, qaıǵyly oqıǵadan Artem Gagolkonyń ápkesi, ápkesiniń kúıeýi jáne segiz aılyq jıeni qaza tapqan. Artemnyń aıtýynsha, ol sol kezde uıyqtap jatqan, biraq kenetten ony 7 jasar qaryndasy oıatyp, páterde eden joq ekenin aıtqan. Sodan Artem Shahtınske ákesine qońyraý shalyp, mundaı jaǵdaıda syrtqa qalaı shyǵý kerektigin suraǵan. Sondaı-aq, Artem sol sátte qatty qoryqqanyn aıtyp otyr.

Osyǵan deıin Shahan aýylynda úıdiń qulaýynan qaza tapqandardyń otbasyna mıllıon teńgeden bólinetini habarlanǵan bolatyn. "Otbasylaryna qarjylaı kómek kórsetý jaıynda. Ákimdik qaza tapqan ár adam úshin mıllıon teńgeden jáne 500 myń teńge aýrýhanada jatqan zardap shekkenderge bóledi. Sonymen qatar ákimdik qaza bolǵandardy jerleý rásimin jáne eske alýdy óz moınyna alady", - degen edi oblystyq ákimdiktiń baspasóz qyzmetindegiler.

Eske sala keteıik, 1 qańtarda Shahtınsk qalasyndaǵy Shahan aýylynda keshki ýaqytta turǵyn úıdiń bir bóligi opyrylyp, 9 adam qaza tapqan bolatyn. Olardyń úsheýi er adam, úsheýi áıel, taǵy úsheýi balalar eken. Oqıǵa ornynda qutqarý jumystary jalǵasyp jatyr. Al keıin apattyń aldyn ala sebebi atalǵan edi. Al keıin apattyń aldyn ala sebebi atalǵan edi.