Jýrnalıs Shenan Molonı (Senan Molony) 30 jyl boıy aty ańyzǵa aınalǵan kemeniń ne úshin sýǵa batyp ketkendigi týraly ǵylymı-tarıhı zertteý júrgizdi dep habarlaıdy lenta.ru. «Tıtanık» saparǵa shyqpas buryn Belfasta keme jasaıtyn ornynda ınjener-elektrıkter ony fotoǵa túsirip alǵan. Sol arqyly Molonı zertteý júrgizdi.

Foto arqyly kemeniń aısbergke soqtyǵysqan jerinde saıahatqa shyqpas buryn da 9 metrge sozylǵan qara izder bolǵanyn baıqady. Jýrnalısiń oıynsha, «Tıtanık» saparǵa shyqpas buryn onda olqylyqtar bolǵan.  

Sarapshylar Shenan Molonıdiń boljamdaryn rastap otyr. Boılerdiń janyndaǵy otyn saqtalǵan qoımanyń birinde órt shyǵyp, sonyń saldarynan kemede 9 metrlik iz paıda bolǵan. Olardyń oıynsha birneshe apta boıy qoıma órtengen. 12 adam ony óshirýge tyrysqan. Alaıda órtti óshirýge 12 adamnyń kúshi jetpegen kórinedi.  

«Tıtanık» fılmine án jazǵan avtor óziniń sońǵy suhbatynda, «Men Kemeronmen jumys istegende, azdap ótirik aıtýyma týra keldi» degen edi. Molonı «Tıtanıktiń» ıeleri qyzmet kórsetýshilerge bolyp jatqan oqıǵa týraly aıtýǵa tyıym salyp, TJ kemede kele jatqandardan jasyrǵanyna senimdi.

Ottan kemeniń qaptamasy qatty qyzyp ketip, kólemi kishireıip qalǵan. Sondyqtan aısbergpen soqtyǵysqanda úlken tesik paıda bolǵan. Sáıkesinshe órt pen qylmystyq nemquraılylyqtyń saldarynan keme sýǵa ketken.  Jýrnalıs Shenan Molonı dál osyndaı qorytyndy jasady.

1 jeltoqsanda Seven Star Energy Investment Group qytaı kompanıasy «Tıtanıktiń» kóshirmesin sala bastaǵany belgili boldy. Ol Sychýandaǵy Romandisea International kýrorttyq aımaǵynda atraksıon retinde paıdalanylatyn bolady. Kompanıa ókilderiniń aıtýynsha joba 2017 jyldyń aıaǵyna qaraı bitedi.

Brıtandyq «Tıtanık» kemesi 1912 jyly sáýir aıynda alǵashqy reısinde aısbregpen soqtyǵysyp sýǵa batyp ketken. Kemede eki myńnan astam adam boldy. Onyń kóbi sýǵa batyp ketti.