Aqtóbe oblysynda kólikterdi qolymen belgi berip toqtatqan polıseıler jazaǵa tartyldy, - dep habarlaıdy Tengrinews.kz
Kýágerler polıseılerdiń kólikterdi qolymen belgi berip toqtatyp jatqanyn vıdeoǵa túsirip alǵan. Vıdeojazba túrli áleýmettik jelilerde taralyp ketken.
"Jańa jyldyń alǵashqy kúnderi áleýmettik jelilerde polısıa qyzmetkerleriniń kólikterdi qolymen toqtatyp jatqany týraly vıdeo taraldy. Olardyń Aqtóbe oblystyq İİD jergilikti polısıa qyzmetinen ekeni anyqtaldy. Olar vedimistik buıryqty buzǵany úshin tártiptik jaýapkershilikke tartyldy", - dep málimdedi QR İİM Ákimshilik polısıa basqarmasynyń resmı ókili Irına Lýkánına.
Lýkánınanyń sózinshe, polıseı toqtatqan jaǵdaıda júrgizýshi baǵynýy kerek, óıtkeni mundaı mindet jol júrý erejesinde kórsetilgen.
"Al eger júrgizýshi ony toqtatqan kezde ereje buzý bolǵan dep eseptese, ol aryz jazyp, bizge Facebook arqyly habarlasýǵa, vıdeo túsirýge quqy bar. Biz ereje buzylǵanyn, ne buzylmaǵanyn anyqtaımyz", - dep túsindirdi Lýkánına.
