1 qańtarda Túrkıanyń túngi klýbynda terakti boldy. Djıhadtyq DAISH toby Ystambuldaǵy shabýyldy óz moınyna aldy. Teraktiniń saldarynan ártúrli memleketten 39 adam qaza tapty. Lańkes túngi klýbtaǵylarǵa oq jaýdyrǵanda onda lıvandyq Fransýa al-Asmar da boldy dep habarlaıdy bbc.com.
«Biz oq atylǵanyn estidik. Barlyǵymyz iship alǵan adam dep oıladyq. Biraq birneshe sekýndtan keıin taǵy da atylǵan daýys estidik. Barlyǵy jerge jata bastady. Lańkes aýaǵa emes, jerge jatqandardy atty. Men ústeldiń astyna tyǵyldym.Barlyǵy qasqaǵym sátte boldy. Biraq ıyǵym kórinip turǵan bolý kerek. Maǵan da oq tıdi. Sodan keıin edenge jatyp qaldym. Taǵy da atpaýy úshin, ólgen adam sekildi jattym» deıdi Fransýa al-Asmar.
