Atalmysh beınebaıan, qatelespesek, 2015 jyldyń bas kezinde túsirilgen bolatyn. Ǵalamtorda paıda bolysymen-aq qoǵamdyq narazylyq týǵyzǵan "týyndy" arada eki jyl ótse de óz ómirsheńdigin joǵaltar emes.

Ánshi Zattybek Kópbosynuly men syqaqshy Tursynbek Qabatovqa án arnaǵan qyzdyń prodúseri, tanymal reper Shyńǵys ShYNGYS Álkeev beınebaıanǵa baılanysty tengrinews saıtyna kezinde bylaı dep suhbat bergen bolatyn.

Shyńǵys Álkeev: "Tursynbek pen Zattybek" dep atalatyn ándi, shyn máninde, 19 jastaǵy Sánim Álbosynova oryndaıdy. Buǵan deıin ándi 16 jastaǵy qyzdyń oryndaıtyny habarlanǵan edi. Shyńǵys Álkeev beınebaıannyń PR-qadam bolǵanyn aıtty. "Jasyratyn eshteńesi joq, bul PR-qadam boldy. "Nege kishkentaı qyz úlken kisilerge ǵashyq boldy?" degen suraqtar týyp jatyr. Eger ol jas ánshilerge ǵashyq bolsa, halyqtyń nazary bulaı aýmas edi. Zattybek pen Tursynbekke arnalǵan án jurtqa tańsyq bolady. Nazary birden aýdy. Árıne, ázil retinde jasalǵan. Al aıtylyp jatqan synǵa keler bolsa, beınebaıanda qyzdyń denesiniń "qatty ashylyp qalǵan" túgi de joq. Almatylyq qyzdar kúndelikti qalaı kıinse, Sánim de solaı kıindi. "Omyraýyn ashty", "Ashyq-shashyq kıinip júrdi" degen sózder aıtylyp jatyr. Otandyq FM sıaqty ánshiler odan da ashyq-shashyq, ish kıimmen túsedi. Sondyqtan bul jerde asa bir tańsyq kóretindeı jańalyq ashtyq dep oılamaımyn".