Qazan aıynyń 1-ine belgilengen parlament senaty depýtattarynyń saılaýyna qatysýǵa 72 kandıdat usynylǵanyn jazdy Azattyq radıosy. Bul týraly  Ortalyq saılaý komısıasynyń otyrysynda OSK tóraǵasy Qýandyq Turǵanqulov málimdegen.

Onyń aıtýynsha, barlyq kandıdattar ózin-ózi usyný quqyǵyn paıdalanǵan. Olardyń arasynda tórt áıel bar. Depýtattyqqa kandıdat usyný 31 tamyzǵa deıin jalǵasady.

OSK aqparaty boıynsha, senat depýtattarynyń saılaýyna 136 mıllıon teńge bólingen. Árbir kandıdattyń saılaýaldy úgit-nasıhattaryn júrgizýine  jáne transporttyq shyǵyndaryn jabýǵa respýblıkalyq búdjetten 395 myń teńge kóleminde qarjy bólinedi.

Qazaqstan parlamentiniń senaty 47 depýtattan turady. Zań boıynsha, 15 depýtatty Qazaqstan prezıdenti taǵaıyndaıdy, al qalǵan 32 depýtatty oblystyq máslıhattar men Almaty jáne Astana qalalarynyń máslıhaty saılaıdy. Olar 6 jyl ýaqytqa saılanady jáne 16-sy kelesi úsh jylda saılanatyn tártippen taǵaıyndalady. Senat parlamenttiń joǵarǵy palatasy bolyp tabylady.

Qamshy-aqparat