Ýolba dep atalatyn ıakýtıalyq aýyldyń Mıhaıl Bopposov esimdi turǵyny aýyldastaryn tań qaldyrýdan jalyǵar emes dep habarlaıdy vesti.ru. Jańa jyl kúni ol Shyǵys kúntizbesine saı 2017 jyldyń sımvoly áteshtiń músinin erekshe bıomaterıal ıaǵnı tezekten jasap turǵyzady.

Áteshtiń bıiktigi 3,5 metr, al uzyndyǵy 4,2 metr. Iakýtıanyń aıazynyń arqasynda músin óz ornynda berik tur. Oǵan tipti eresek adam shyqsa da qulap qalmaq túgili qyńq etpeıdi.  Jergilikti BAQ  sakhalife.ru-dyń aıtýynsha, Mıhaıl Bopposov mundaı shyǵarmashylyqpen aınalysyp jatqanyna birneshe jyl bolypty. Áteshti de ol aýyldastarynyń ótinishi boıy turǵyzypty. Átesh jasap jatqan kezde sheberdiń aıaǵy synyp qalǵan kezde aýyldastary Mıhaıldyń tileýin tilepti. Jumysty bitire almaı jatqan oǵan kómekke aǵalary keledi. Solardyń arqasynda áteshtiń músini ýáde boıynsha jeltoqsannyń 31-i kúni boı kótergen. Buǵan deıin Mıhaıl 2 metrlik kobra jylanyn, kósem jegilgen attardy, aıdahardy, bir qora eshki jáne ústinde maımyldar otyrǵan pálmalardy tezekten jasap shyǵarǵan.  

Mıhaıl Bopposovtyń ǵalamtorda jankúıerleri de barshylyq. Mysaly, Aleksandr Belenkıı óz blogyn ıakýtıalyq sheberdiń jumystaryna arnaǵan eken.