Bashqurttar qazaqtarǵa qarap neni armandaıdy?

Bashqurtstannan kelgen qonaq «Nur-Astana» meshitiniń aldyna kelip tizerleı qulapty:

– Baqytty qazaqtar! Baqytty Qazaqstan! - dep aıǵaı salǵanda halyq eriksiz nazar aýdarǵan.

– Sender úshin esh mańyzy joq shyǵar, biraq men qyzyǵamyn. Senderdiń óz memleketteriń bar, kez kelgen qalanyń ortalyǵynan meshit sala alasyńdar, oǵan eshkim de tyıym salmaıdy. Sender óte baqyttysyńdar, biraq sol baqtaryńdy baǵalamaısyńdar, - dedi ol.

– Ózińdi týǵan úıińde júrgendeı sezingen qandaı keremet. Aǵańnyń úıi bar bolsa da jaqsy. Bizdiń úıimiz – Qyrym, biraq ol bizdiń úıimiz emes, - dedi qyrymdyq tatar.

– Búgin men senderdiń bazarlaryńa bardym. Adamdardyń barlyǵy qazaqsha sóılep júr. Men olarǵa bashqurt tilinde túsindirgen edim, olar maǵan «sen uıǵyrsyń ba?» dedi. Óz eliń, óz jeriń bolǵan qandaı jaqsy, - dedi ekinshi bashqurt adamy.

– Qazaqtar az deısińder. Joq, sender emes biz azbyz. Óz memleketterińdi nyǵaıtyp, ony saqtap qalýǵa senderdiń múmkindikteriń jetedi, al biz bir ortalyqqa ǵana baǵynatyn avtonomıamyz, - dedi ıakýt.

Eskishehırdegi ırandyq ázirbaıjan:

– Óz jerimizde týǵan ana tilimizde sabaq úıretýge bizge tyıym salady. Sender úshin bul múmkin emes jaǵdaı bolar. Sonymen qatar biz túrikshe sóılesek, bizdi mazaq qylyp kúledi.

Eýropalyq uıǵyr:

– Qazaqtar, senderdiń óz elderiń bolǵandyqtan ózderińe senimdisińder, al men kimge arqa súıeımin? Sol sebepti de men barlyǵyna óte sypaıy bolýǵa tyrysamyn.

Túrik:

– Bóten halyqtyń arasynda ómir súrip júrgenińde bir kúni kartada táýelsiz bes memleket paıda bolady – bul jaǵdaıdy kóz aldyńa elestetý qıyn shyǵar. Alaıda, sol kezde ózińniń jalǵyz emes ekendigińdi túsinesiń. Sebebi, senderdiń de óz memleketteriń bar!

Tatar:

– Bizdiń sanymyz az, biz ózge ulttyń jerinde turamyz jáne de senderdiń óz jerleriń bar bolǵandyǵyna qatty qýanamyz. Sebebi, bir qıynshylyq týǵan jaǵdaıda senderdiń kómekterińe júginemiz.

Elbasymyz - Nursultan Nazarbaev:

– Kezinde kóptegen amerıkandyq úndister elden qýylyp, keıbireýleri, tipti, jaýlaýshylardyń qolynan ólgen edi. Úndilik bir kınorejısserge «baqyt degen – baılyq pa?» dep suraq qoıǵan edi. Ol: «Ózimniń jáne basqa azamattardyń qolyndaǵy bar baılyǵyn halqymnyń bir kúndik bolsyn táýelsizdigi úshin qurban eter edim» dep jaýap bergen. Sol sebepti de, óz táýelsizdigimizdiń qadirin bileıik.

– Kereı men Jánibek handar 1465 jyly Qazaq handyǵynyń irgesin qalaǵan jáne de Qazaq eliniń tarıhy sol zamannan bastaý alady. Ózge ulttar, bálkim, ol zamanda Qazaq eli memleket bolmady dep túsinetin shyǵar. Alaıda, sol ǵasyrdyń barlyq memleketteri de bizdiń elimiz sekildi bolǵan. Qazirgi tańda, birneshe ǵasyrǵa jalǵasqan ózge eldermen dostyǵymyzdy saqtap turmyz. Bul qarym-qatynasty qurtyp almaýymyz kerek, - dep Nursultan Nazarbaev ulttardy birlikke shaqyrdy.

Avtory: Asqar Qumyran

Aýdarǵan: Nazerke Labıhan