Myrzan qaıǵy. Keńdigi de kesir boldy qazaqqa

    Myrzan Kenzhebai
    Myrzan qaıǵy. Keńdigi de kesir boldy qazaqqa

    Mańdaıyna baq bitpegen bir eli

    Shalqarda bir shal bar edi kıeli

    «Toıǵanǵa máz júre berse, bul qazaq

    Qabyl bolmas deýshi edi esh tilegi»

     

             

    Baılyǵyn da aıta berme dalanyń,

              Baılyq degen baqyt emes qaraǵym,

              Ersi uranǵa ere bermeı,

              Es jıyp,

              Myna kórshi ultqa da bir qaraǵyn.

     

    Basshylary ana tilin baptaıdy,

    Ul men qyzy salt-dástúrin saqtaıdy,

    Satylmaıdy «komýnızm keled»–dep

    Ýádemen aǵyzsań da aq maıdy.

     

              Aýzyn tyrnap búgin biteý jaranyń,

              Sol bir qaıran qartymdy eske alamyn

              Eske alamyn

    biraq esi kirmeıtin

              Qazaq degen erjetpeıtin balamyn.

     

    Qańǵy qaptap, tyrnaǵyma turmas kil,

    Jal-jaıama aýyz salǵan myń qasqyr

    «Aq mol bolsyn!»–dep tilesem  Naýryzda

    Aıran  emes ishetinim – «Fýdmaster»

     

    Elý jyldan soń keler dep ǵajap kún

    Ózimdi aldap, ózgelerge-mazaqpyn,

    Bul baılyqtyń joǵy jaqsy ed barynan

    Óz baılyǵy sory boldy-aý qazaqtyń

     

    Móńke aıtqan «dúdámaldaý» dinim bar,

    Móńke aıtqan «alashubar» tilim bar.

    Kók tıyndyq paıdasy joq qazaqqa

    Kúnaratpa forýmdar bar, jıyn bar

     

              Munaıym bar, munaı emes –muńym bar,

              Ýranym bar, ýran emes –ýym bar,

              «Baıqońyrda baqyt qusy –«Proton»,

              dese senem,– biriń ólip biriń qal!»

     

    «Tórge shyqsyn basqalardyń basy»- dep

    Qudaıym-aı, nege munsha jasyq ek?

    «Keler kúniń bolady,–dep,–kúmándi»–

    dál keldi ǵoı Móńke aıtqan qasiret

     

              It ıiskemes toz-toz boldy-aý aınalam,

              Shar bolattaı shart etedi qaı balań

              Batyr edik, ańqaý sábı boldyq-aý

              Oıynshyq qyp qumǵa qylysh qaıraǵan.

    İzdegenge tegin baılyq –az baq pa–

    Kelip jatyr aramza da, kázzap ta

    Oı men qyrǵa qańǵymany qaptatyp

    Keńdigi de kesir boldy-aý qazaqqa

    Qatysty Maqalalar

    JAŃA KİTAPTYŃ TUSAÝY KESİLDİ

    JAŃA KİTAPTYŃ TUSAÝY KESİLDİ

    10:56, 05 qarasha 2026
    Dáýir bıiginen estilgen jyrlar

    Dáýir bıiginen estilgen jyrlar

    22:02, 19 tamyz 2026
    Mahambet-Maǵjan ólmepti!

    Mahambet-Maǵjan ólmepti!

    14:19, 10 aqpan 2026