Sybaılas jemqorlyqqa qarsy is-qımyl ulttyq búrosy Belarýs Respýblıkasyndaǵy Qazaqstan elshiliginiń aǵa esepshisin ustady, - dep habarlaıdy Tengrinews.kz vedomstvonyń baspasóz qyzmetine silteme jasap.

Ulttyq búro málimetinshe, Seıdýalıev 2012-2015 jyldar aralyǵynda 207 000 dollar kóleminde búdjet qarajatyn jymqyrǵan. Ol "Aktıvbıznesplús" ǵımaratyn salǵan bas merdigerge aqshalar tóldendi degen kasalyq orderlerdiń shyǵynyna qatysty qujattardy jalǵan daıyndaǵan.

"Sondaı-aq, Seıdýalıev osy ýaqyt boıy elshilikke Belarýs Respýblıkasynyń salyq organdarynan qosymsha qun salyǵy retinde qaıtarylǵan 474 883 dollar kólemindegi qarajatty jymqyrǵan. Bas esepshiniń jymqyrǵan qarajatynyń jalpy somasy - 681 883 dollar", - dedi baspasóz qyzmetindegiler.

QR SİM atalǵan jaǵdaıǵa qatysty túsinik berdi. Bul týraly QR SİM baspasóz qyzmeti habarlady.

"Biz bul týraly bilemiz. Qazaqstannyń Syrtqy ister mınıstrligindegiler jemqorlyqqa árdaıym nóldik tózimdilik prınsıpin ustanady. Biz osy isti tergeý úshin quqyq qorǵaý organdaryna barynsha kómektesemiz", - dedi vedomstvonyń baspasóz qyzmetindegiler.