Alpaýyt elderdiń adamǵa kúlki týǵyzatyn zańdary da bolady. Ózge memleketke bara qalsańyz, sol eldiń keıbir oǵash zańdaryn da bilip alǵanyńyz jón.
Álemniń eń kúlkili zańdary
Jańa Shotlandıada jańbyr jaýyp turǵan kezde kógaldardy sýarýǵa tyıym salǵan.
Anglıada tósek oryndaryn terezeden ilip qoıýǵa tyıym salynǵan.
Kanada aýmaǵyndaǵy Kvebek aımaǵynda sary tústi margarın satýǵa tyıym salynǵan.
Arkanzastyń zańy tipti qyzyq. Ol adamǵa emes, tabıǵatqa baǵyttalǵan. Arkanzas ózenine deńgeıi Lıttl Rok kópirinen asyp ketýge jol berilmeıdi.
Eń zańǵa baǵynatyn ózen –Arkanzas Rıver
Italıanyń Mılan qalasynda jerleý saltynda jáne aýyrý kisiniń kóńilin suraǵannan basqa ýaqytta barlyq halyqtyń júzinen kúlki tabynyń bilinip turǵany zańmen bekitilgen. Osy memlekette Marıa esimdi áıel jergilikti zańǵa sáıkes jezókshelikpen aınalysýǵa quqysy joq.
Sıngapýrda adam úsh ret qoqys tastap ustalynsa, zań buzýshy jeksenbi saıyn kósheni jýyp, «Men qoqys tastadym» degen jazýy bar taqtaıshany moınyna ilip júrýi tıis. Onymen qosa, mundaı jazalar jergilikti telearnalardan kórsetiletin bolady.
AQSH-ta bir úıde 6 qyzdan artyq adam turýǵa bolmaıdy.
Álemdegi eń qısynsyz zańdar
Bul Ońtústik Koreıanyń zańyn Qazaqstanda eshqashan kezdestirmeıtiniń anyq. Ol jaqta jol polıseıleri alǵan paralaryn basshylyqqa habarlap otyrýy mindetti.
Danıada qylmyskerler zań júzinde túrmeden qashyp ketýine bolady. Árıne, olardy ustap alady, biraq qashqany úshin eshqandaı jaza qoldanylmaıdy.
Kanadadaǵy Alberta aımaǵynda túrmeden bosatylǵan qylmyskerlerge jylqy men oqtalǵan tapansha beredi. Bul olardyń qaladan ketip qalýy úshin jasalǵan.
Al, Aıdahoda túıege minip, balyq aýlaýǵa tyıym salynǵan.
Baltımorda arystanmen birge teatrǵa kirýge bolmaıdy.
Arızonada jýynatyn qaýyzǵa eshekti uıyqtatýǵa bolmaıdy. Úlken kólemde aıyppul salynýy múmkin.
Al, Sent Lýıste ózińizdi tártipti ustaýyńyz kerek. Kóshelerde shelekten syra ishýge bolmaıdy.
Matematıkter Indıana shtatyna tań qalýy múmkin. Ol jaqta zań júzinde «Pı» sany 3,14-ke emes, 4-ke teń.
Mınnesotada jalańash uıyqtaǵan adamdy túrme kútip tur.
Aıovada órt sóndirýshiler órtti sóndirýge shyǵar aldynda 15-mınýttyq jattyǵý jumystaryn júrgizýi kerek.
Pensakala qalasynda áıel adam qaýyzda elektr quraldaryn abaısyzda paıdalaný saldarynan qaıtys bolyp ketse, 100 dollar kóleminde aıyppul tóleýge mindetti.
Ulybrıtanıada parlament úıinde ólip qalýǵa tyıym salynǵan.
Qytaıda sýǵa batyp bara jatqan adamdy qutqarý zańǵa qaıshy, óıtkeni ol onyń taǵdyryna qol suǵýshylyq bolyp tabylady eken.
Daıyndaǵan: Maral Shaıhy
