Mıllıarderler eń baı adamdardyń ishindegi eń dáýlettileri. Kóptegen jas kásipkerler mıllıarder bolýdyń qarjylyq jolyn tabýdy armandaıdy. Alaıda eń aldymen jas kásipker mıllıarderler qaı elde  kóp ekenine mán berý kerek. Joǵaryda olar týraly  málimet karta arqyly berilgen.

Oǵan saı ár eldiń jekelengen paıyzdyq kórsetkishterin kóre alasyzdar. Ol  salystyrmaly túrde, bes sanatta, bes túrli túspen kórsetilgen. Olarǵa jeke-jeke toqtalsaq: 1. Mura. 2. Quryltaı kompanıalary. 3. Menshik ıeleri 4. Basshylar. 4. Saıası baılanys 5. Qarjylyq sektor.

Málimetter Halyqaralyq Ekonomıka ınstıtýtynan alyndy.

Karta arqyly Qazaqstannyń jappaı qoıý sarymen berilgenin kóremiz. Iaǵnı kartaǵa saı, Qazaqstandaǵy mıllıarderler bıliktegilermen baılanys ornatý arqyly jaǵdaılaryn jasaıdy.  Zertteý barysynda mıllıarderler eń kóp shoǵyrlanǵan el – AQSH ekeni belgili boldy dep habarlaıdy businessinsider.com. Álemdegi mıllıarderlerdiń 30% jýyǵy atalmysh elden eken.  Oǵan túrli faktorlar áser etýi múmkin. Onyń biri tarıhı sebepter nemese saıası laýazymy arqyly qol jetkizýi múmkin.

Ekinshi orynda - Qytaı. Ol álemdik ekonomıkada oıyp turyp oryn alady. Qytaı ekonomıkasyn nyǵaıtý úshin kóp qıynydyqty artqa tastady. Qytaı óte kedeı memleket bolǵan. Kásipkerler qatarynyń kóbeıýýi mıllıarder sanynyń artýyna alyp keldi. Elde 200-den astam mıllıarder bar. Bul el ekonomıkasyna jaǵymdy áser etti. Al Ońtústik Koreıada jaǵdaı kerisinshe. Mıllıarderlerdiń 74.1% otbasynan qalǵan mıras arqyly baılyqqa kenelgender. Al Japonıada  mıllıarderlerdiń 63% óz isin bastaý arqyly qazirgi dárejege jetti.  

Ońtústik Koreıadaǵy jaǵdaı Eýropada da qaıtalanyp otyr. Iaǵnı dáýletti týystarynyń arqasynda ózderi de mıllıarder atanyp otyr. Mıras arqyly mıllıarder atanyp otyrǵandardyń ishinde Danıa 83.3% kósh bastap tur. Ekinshi oryndy 64.7% kórsetkishpen Germanıa alady. Al kóshbasshy úshtikti Shvesıa 63.2% támámdaıdy.

Mıllıanerlerdiń kóptigimen maqtanatyn AQSH-ta  mıras, qarjy sektory men óz isin ashý arqyly osy dárejege qol jetkizgen.