Qazaqstannyń ózge qalasyna ýaqytsha turý úshin barǵan kez kelgen qazaqstandyq mindetti túrde sol jerde tirkelýi kerek. Bul talapty oryndamaǵan jaǵdaıda 10 aılyq eseptik kórsetkish kóleminde, ıaǵnı shamamen 23 myń teńge aıyp tóleıdi. Turǵan jeri boıynsha tirkelý talaby – álemdik tájirıbede bar nárse. Tirkeý adamdardyń erkin júrip-turýyna kedergi jasamaıdy, al tirkelý úshin Halyqqa qyzmet kórsetý ortalyǵynda 10-20 mınýt qana ýaqyt ketedi degen bolatyn QR İİM Kóshi-qon polısıasy departamenti basshysynyń orynbasary Galına Sársenova. «Ýaqytsha tirkeý degen ne jáne ol úshin qandaı qujattar kerek?» degen materıalda jańa zańnyń  qyr-syry baıandalǵan bolatyn.

«Ýaqytsha tirkeý» jaıly áńgimeniń shyqqany keshe ǵana. Alaıda búgin atalmysh jańalyq qazaqstandyqtardyń qorqynyshty túsine aınalýda.

Murat Ábenov facebook áleýmettik jelisindegi paraqshasynda bylaı dep jazady: «Endi qalaı? Tirkelse, tólem qymbattaıdy. Sebebi salyq kóbeıedi. Páter ıesi óz qaltasynan ony tólemeıdi. Salmaq jaldaǵan azamatqa túsedi. Oǵan jumysynda aqsha qosa ma? Tirkelmeı tursa – zań buzǵany. Ol kezde qyzmettik etıkaǵa qarama-qaıshylyq úshin qyzmetten shyǵara ma? Onda jumysta kim qalady? Osyny oılaǵandar bar ma?».