Bul qyz tanysý forýmy arqyly ózine qaltaly kúıeýjigit izdegen. Bul jaıynda myfeelings.ru portaly habarlaıdy, málimettiń qazaqsha nusqasyn "Qamshy" portaly oqyrman nazaryna usynady.
«Bul jerge ne sebepti jazyp otyrǵanym jaıly ótirik aıtpaımyn. Osy jyly 25-ke tolamyn, ózim óte tartymdymyn. Talǵamym bıik, erekshe stılim bar. Jylyna 500 000$-dan asa aqsha tabatyn qaltaly erkekke turmysqa shyqqym keledi. Meni arampıǵyldy dep oılaıtyn shyǵarsyzdar, alaıda olaı emes. Sizderge túsinikti bolý úshin bylaısha jetkizeıin: Nú-Iorkta jylyna 100 dollardan asa qarajat tabatyn adamdar ǵana turmystyq jaǵdaıy ortasha bolyp tabylady. Men kedeı bolǵym kelmeıdi.
Qoıatyn talaptarym tym qıyn emes. Osy saıtta jyldyq tabysy 500 000$-dan asatyn erkek bar ma? Álde, sizderdiń bastaryńyz bos emes pe? Jáne de sizderge turmysqa shyǵý úshin ne isteýim qajet?
Osy ýaqytqa deıin kezdesken jigiterimniń jyldyq tabysy 250 000-nan aspaıtyn.
Meniń birneshe suraqtaryma jaýap bere alasyzdar ma?
1 Sizder – qaltaly azamattar qandaı jerlerde kóńil kóteresizder?
2 Qandaı jastaǵy erkekke turmysqa shyqqanym jaqsy?
3 Nege kóptegen baı erkekterdiń áıelderiniń esi durys emes?
4 Qandaı qyzdar sizderge áıeldikke jaraıdy, al qandaı qyzdarmen tek kezdesip qana qoıar edińizder?
Jaýaptaryńyzdy kútemin!»
AQSH-tyń iri bank basqarmasynyń tóraǵasy qyzdyń suraǵyna bylaı dep jaýap beripti:
«Qurmetti sulýym!
Forýmdaǵy meniń habarlamańdy úlken qyzyǵýshylyqpen oqyp shyqtym. Kóptegen qyzdardyń oıy senikindeı dep oılaımyn. Sizdiń jaǵdaıyńyzǵa ınvestısıamen salystyrmaly túrde taldaý jasap kóreıin.
Meniń jyldyq tabysym - 500 000$-dan kóp. Bul dál seniń izdegeniń. Sol sebepti de men ýaqytymdy bos ketirip otyrǵanym joq. Kásipker retinde aıtarym, sizge úılený – sátsiz sheshim. Ne sebepti ekenin túsindeireıin.
Sizdiń qalap otyrǵanyńyz - sulýlyqqa aqsha tóleý, ıaǵnı A sýbektisi óz sulýlyǵyn satylymǵa qoıady da B sýbektisi oǵan aqsha tóleıdi. Barlyǵy da minsiz sekildi.
Alaıda, bul jerdegi negizgi másele mynada: sizdiń sulýlyǵyńyz ýaqyty kelgende solyp qalady, al meniń oǵan tólegen aqsham belgisiz sebeptermen joǵalyp ketedi. Bolashaqta meniń tabysym ulǵaıady, al sizdiń sulýlyǵyńyz jaıly bulaı aıta almaımyn, ol kerisinshe sónedi.
Ekonomıkalyq termındermen túsindirer bolsam, ózimizdi eki aktıv retinde qarastyraıyq. Meniń baǵam bolashaqta ósedi de sizdiki quldyraıdy. Jaı ǵana emes, geometrıalyq damý turǵysynan quldyraıdy.
Mysaly, sizben qarym-qatynasty saýda aınalymy dep alsaq. Ýoll Strıt saýdasyndaǵy kez kelgen taýar sekildi oalrdyń ózindik pozısıasy bar.
Eger taýardyń naryqtaǵy baǵasy tómendep ketse, biz ony dereý satyp jiberemiz. Ondaı aktıvti qoldaný mánsiz. Siz qalaǵan nekede de dál solaı. Men sekildi erkekter siz sekildi qyzdarmen, árıne, tek kezdesedi, biraq eshqashan da úılenbeıdi. Sizge berer keńesim – mundaı jar izdegenińizdi toqtatyp, durysy aqsha tabýdyń joldaryn úırenińiz de, ózińiz jyl saıyn qalaǵanyńyzdaı qarajat ıelenińiz. Sol kezde qaltaly aqymaqty tabý múmkindigińiz kóp bolady.
Meniń jaýabym sizdiń bir kádeńizge jaraıdy dep úmittenemin!»
Rasymen de, shynaıy sulýlyq – syrtqy kelbettiń ádemiligi emes, tipti, 50 jyl ótse de solmaıtyn ishki jan dúnıeniń sulýlyǵy.
