Ystambuldaǵy lańkestik áreketke qatysy bar dep jalǵan aıyptalǵan Qyrǵyzstan azamaty Iahe Mashrapov túrik BAQ ókilderine sotqa júginbeıtinin aıtyp, biraq jýrnalıserden bul málimetti teriske shyǵarýyn talap etti.
Iahe Mashrapovtyń aıtýynsha, teledıdardy qosyp, gazetti oqyǵan onyń týystary qatty qorqyp ketken. Qyrǵyzstan kásipkeri Túrkıaǵa únemi taýar alý úshin kelip turady eken. Otanynda kıim satýmen aınalysady.
Jýrnalıser óz tólqujatyn kórsetip, ony terrorıst dep ataǵanyn Mashrapovqa qaıran qalǵan dostary habarlaǵan.
Iahe Mashrapov: «Olar ınternetten meniń tólqujatymnyń sýretin kórip, maǵan tań qalyp habarlasty. Óıtkeni lańkestik bolǵan kúni biz bárimiz birge merekelik ústel basyna jınalyp, palaý jegen bolatynbyz».
Kásipker «Interfakske» bergen suhbatynda onyń qamaýǵa alynýy men tergeý barysyn egjeı-tegjeıli aıtyp berdi.
Iahe Mashrapov: «Túrik medıa ókilderi tólqujatymnyń sýretin taratyp, meni lańkestik áreketke qatysy bar dep aıyptady. Esh dálelsiz qalaı olaı aıtýǵa bolady? Túrik polısıasy meni tergep, eshqandaı teraktige qatysym joq ekenin anyqtady. 1 qańtar kúni Jańa jyldy týystarym men dostarymmen toılap, 1 qańtar kúni Ystambulǵa ushyp keldim, taýar alyp bolǵan soń, 3 qańtar kúni qaıtadan ushyp kettim. 3 qańtar kúni ushaqqa otyrǵanymda, salonda eki kisi jaqyndap, tólqujatymmen birge shyǵýymdy ótindi. Ushaqtan shyqqanymda, 20 shaqty adamdy kórdim, arasynda polıseılermen qatar azamattyq kıimdegi adamdar da boldy. Olar meniń tólqujatymdy tekserip, tergeı bastady. Keıinnen keshirim surap, qaıtadan ushaqqa otyrǵyzdy. Sodan keıin bir saǵat keshigip, Stambuldan Bishkekke ushyp kettik».
Reina klýbyna jańa jyl túninde shabýyl jasalǵan bolatyn. Qarýlanǵan qylmysker avtomattan oq jaýdyryp, saldarynan 39 adam qaza tapty. Odan bólek 70 adam jaralandy. Polıseılerde kúdikti qylmyskerdiń fotoroboty jáne birneshe vıdeojazbalar bar. Búgin Túrkıanyń SİM polısıaǵa búlikshiniń kim ekeni anyqtaldy dep habarlady. Sondaı-aq, IGIL-dyń bes búlikshisi ustaldy. Oǵan qosa, BAQ ókilderi habarlaǵandaı, teraktqa qatysy bar dep 23-ten 40 adamǵa deıin ustalǵan.
