Izraıldik vaksına qaterli isikti emdeýge arnalǵan jańa ári senimdi preparat, dep habarlaıdy newsgood.com, aqparattyń qazaqsha nusqasyn "Qamshy" portaly oqyrman nazaryna usynady.

Qazirgi tańda vaksına Ierýsalımedgi «Hadassa» ızraıldik aýrýhanasynda synaqtan ótkizilip jatyr. 2017 jylan bastap vaksına tek onkologıalyq aýrýlarǵa ǵana emes qaterli isik aýrýyna da qarsy qoldanylýǵa berilmek.

Vaksına qandaǵy rak aýrýlaryn, naqtyraq aıtqanda, mıelomanyń kópetegen túrlerin emdeýge arnalǵan. Eger preparat kútken nátıjeni aqtasa, qaterli isiktiń 90% túrine qarsy qoldanýǵa bolady.

Qaterli isik aýrýyna shaldyqqan jaǵdaıda aǵza óziniń múldem durys jumys istemeı jatqanyn túsinedi,  alaıda ımýndyq júıe isikten qalaı qorǵaný kerektigin bilmeıdi. Ádetegideı ınfeksıa nemese vırýstan qorǵanǵan sekildi jumys atqara almaıdy. Sebebi, raktyń jasýshalary adam aǵzasynyń ózindik jasýshalary bolyp tabylady.

Vaksınanyń negizgi qyzmeti – tóngen qaterge baılanysty ımýndyq júıeniń jaqsy jumys isteýine kómektesedi. Ádettegi vaksınalar ımýndyq júıeni qorǵaý maqsatynda syrttan kelgen vırýstar men baketreıalarǵa qarsy qoldanylady. Terapevtıkalyq vaksınalar aýrý adamdarǵa egilip, dári-dármek sekildi áser etedi.

Jańadan shyǵarylǵan vaksına qaterli isik jasýshalarynda ǵana kezdesetin MUC1 atty molekýlalardyń kózin joıyp, ımýndyq júıeni qorǵaý maqsatynda qoldanylady. Qaterli isik aýrýlarynyń eń kóp taralǵan túrleriniń 90%-y, sonymen qatar lımfoma, leıkemıa jáne mıeloma syndy aýrýlardyń barlyǵynda MUC1 molekýlasy bar.

Qaterli isik aýrýyna shaldyqqan adam ádettegideı hımıaterapıadan ótip nemese ota jasatýdy qajet etedi, al eger isiktiń kólemi kishireıse, aǵza onymen kúrese alady. Bul jaǵdaıda atalmysh vaksına aýrý qaıtalanbas úshin qosymsha kúsh retinde júredi.