Ortalyq Fınlándıanyń ýezik soty Fınlándıa parlamentiniń depýtaty, «Naǵyz fınder» ulttyq fraksıasynyń múshesi Teývo Hakkaraınenge Facebook-tegi postynda musylmandardy qorlaǵany úshin  1160 eýro kóleminde aıyppul saldy dep habarlaıdy lenta.ru. Sot jazbany óshirýdi de talap etti.

Depýtattyń áleýmettik jelidegi jazbasy Nıssedegi teraktiden keıin paıda boldy. Teývo Hakkaraınen «Barlyq musylman terrorıst emes, biraq barlyq terrorıst - musylman» dep jazǵan. Sonymen qatar barlyq musylmandy Fınlándıadan shyǵarýdy talap etti. Sottyń oıynsha atalmysh jazba Islam dinin ustanatyndardyń namysyna tıedi. Al olardy elden shyǵarýǵa degen usynys belgili bir topqa qaýip tóndiredi.

Aıyppul salynǵan depýtattyń áriptesteri, bolǵan oqıǵany aqpan aıynda ortaǵa salatyn boldy. «Pralament fraksıasynyń múshesine salynǵan aıyp talqylaýdy qajet etetin kúrdeli másele» dedi fraksıa tóraǵasy Sampo Teho.

Ótken jyly ultaralyq arazdyqty qozdyrǵany úshin «Naǵyz fınder» ulttyq fraksıasynyń múshesi Terhı Kıemýnkıge aıyppul salyndy.

14 shildede keshki ýaqytta merekelik kúni halyq kóp shoǵyrlanǵan jerge júk kóligi basa kóktep kirip, jaıaý júrginshilerdi basyp ótken. Nátıjesinde 86 adam kóz jumdy. Kólik júrgizýshisin polıseıler atyp óltirdi.