Ál-kaıdanyń óltirilgen burynǵy lıderi Ýsama Bın Ladenniń uly Hamza Bın Laden AQSH tarapynan «ǵalamdyq lańkes» retinde jarıalandy. Bul týraly CNN túrik qyzmeti jazdy.
Jıyrmanyń ishindegi Hamza 2015 jyly Ál-kaıda múshesi bolǵan. Ol ákesiniń ornyn basýy múmkin ekeni aıtylyp kelgen.
Ol Ál-kaıda múshesi bolǵaly beri qaraı terrorısterdi Batys elderiniń astanalaryna shabýyl jasaýǵa shaqyryp keledi.
AQSH Hamzany tek terrorıst retinde jarıalap qana qoımaı, qandaı da bir Amerıka kompanıalarynyń, onymen jumys isteýine, múlik almasyna, satpasyna tıym saldy.
Ýsama bın Laden men Kaırıah Sabardyń uly Hamza ákesi men sheshesi 2011 jyly Pákistanda qolǵa túskende úıde bolmaı shyqqan. Ýsama Bın Ladennen keıin Ál-kaıdanyń lıderligin Eımen Ál-Zeýahırı qolyna alǵan bolatyn.
Taıaý Shyǵys saıasaty týrasyndaǵy maman profesor Favaz Djerdjes tamyz aıynda Hamza bın Ladendi «Ál-kaıdanyń jańa bet-beınesi, harızmatıkaly ári uıym ishinde tanymal» degen edi.
Ál-kaıdanyń 2015 jyly jarıalanǵan daýys jazbalarynda Hamza Kabýl, Baǵdat jáne Gazadaǵy múrıtterin Vashıngton, London, Parıj jáne Tel-Avıvte shabýyldar jasaýǵa shaqyrǵan bolatyn.
AQSH jarıalaǵan «jahandyq lańkester tizimi» Amerıkalyqtardyń qaýipsizdigi men eldiń ulttyq qaýipsizdigine qater tóndirgen lańkesterdi qamtyǵan.
Tizimge Irlandıanyń respýblıkalyq armıasynyń (AIR) muragerleri jáne DAISH sıaqty lańkestik toptardan myńdaǵan adam kirgen.
