5 qańtardan bastap kınoteatrlardan kórsetilip jatqan "Almas qylysh" fılminiń qazaqsha nusqasynyń kórsetilimi kóbeıgenin qýana habarlaımyz. Keshe ǵana kórermenge jol tartqan atalmysh fılmniń qazaq tilindegi seansy az ekenin jáne onyń ózi kúndizgi ýaqytqa qoıylǵanyn "Qamshy portaly" jazǵan edi. "Almas qylyshty" túsirgen "Qazaqfılm" AQ pen kınony prokattaýmen aınalysatyn «Sulpakcinema» kompanıasy kınoteatr basshylaryna fılmniń qazaqsha nusqasynyń kórsetilimin arttyrýdy surap hat joldaıtyndaryn aıtqan.
Búgin «Almas qylysh» fılminiń qazaq tilindegi seanstary 18-den 30-ǵa kóterildi. Barlyǵy 83 seanstyń ishinen tek 30-y qazaq tilinde kórsetilgeni azdyq etedi árıne. Desek te, jaǵymdy ózgerister oryn aldy. Keleshekte budan da jaqsy nátıjelerge qol jetkizemiz dep úmittenemiz.
