"Qamshy" portaly oqyrman qaýymnan súıinshi suraıdy. Óz óleńin áýenge salyp oryndaıtyn alaıda ánshi emes, aqyn qyz Maqpal Jumabaıdyń "maqamdy jyrlarynan" turatyn aýdıoalbom tyńdarmanǵa jol tartatyn bolady. Bul jóninde qýanyshy qoınyna syımaǵan Maqpal bylaı dep jazady: "Meniń maqamdy jyrlarymnyń bolashaǵyna sengen adamdardyń bárin quttyqtaǵym keledi. Osy jobam QR Tuńǵysh Prezıdenti - Elbasy Qorynyń mádenıet pen óner salasyndaǵy shyǵarmashylyq jobalar grantyn jeńip aldy búgin. Jobam boıynsha onǵa jýyq maqamdy jyrymnyń stýdıalyq óńdeýi jasalyp, myń danadan turatyn "Jalǵyzym" dep atalatyn aýdıoalbom jaryq kóredi. Ári bul aýdıoalbom kezi kelgende tegin taratylady. Osy jobam boıynsha jumys barysyn ózderińizben bólisip otyramyn". Óz atymyzdan aqyn qyzdy jetistigimen quttyqtaı otyra, shyǵarmashylyq tabys pen órleý tileıtinimizdi jetkizgimiz keledi.