Joǵarǵy radanyń depýtaty Sergeı Pashınskıı «ÝKROP» ýkraındyq partıanyń basshysy Gennadıı Korbanmen Ýkraına bıligin basyp alý jaıly telefon arqyly sóılesken áńgimesi ınternette taralyp ketti. Bul jazbany Prezıdent ákimshiligi bastyǵynyń burynǵy orynbasary Andreı Portnov Facebook paraqshasynda jarıalaǵan.

«Strana.ua» basylymy habarlaǵandaı, áńgime 2014 jyldyń kúzinde bolǵan. Sol ýaqytta Korban  Dnepropetrovsk oblystyq memlekettik ákimshlik basshysynyń orynbasary boldy.

Jarıalanǵan jazbada Pashınskıı men Korbannyń sóılesýi jarıalanǵan dep jazyp otyr BAQ.  Áńgimelesý barysynda Pashınskıı bılikti basyp alyp, «onyń gúldenýi úshin» memleketti basqarý jaıynda sóz etedi. Depýtattyń serigi «mundaı nárselerdi telefon arqyly aıtýǵa bolmaıtynyn» eskertedi. Oǵan Pashınskıı «prezıdenttiń dosymyn» dep jaýap qaıyrady.

«Biz prezıdent úshin bılikti jaýlap alamyz», – dep sózin jalǵastyrady. Sodan keıin depýtat Poroshenko aınalasyndaǵylardy jaý sanaǵannyń bárin «qyryp salamyn» dep qorqytady. «Olardyń qoldarynan eshteńe kelmeıdi, tipti, qalaı urlaý kerektigin de bilmeıdi!», – dedi Pashınskıı.

Óz kezeginde Korban aıtylǵannyń bárine kelise berdi.