Qystyń qytymyr minezi eýropalyqtardy da ábigerge saldy dep habarlaıdy 24.kz.
Sońǵy 2 kún ishinde munda qatty aıazdan 20-dan astam adam kóz jumǵan. Marqumdardyń kóbisi polshalyq bolyp shyqty. Eldiń kóp bóliginde aýa temperatýrasy 20 gradýsqa deıin tómendegen. Ádette munda qańtardaǵy ortasha temperatýra shamamen - 1, - 5 gradýs bolatyn. Aýa raıynyń qolaısyzdyǵynan kórshiles Germanıa men Chehıa da japa shegip otyr. Sonymen qosa Italıa men Bolgarıada da aıazdan úsip ólgender bar. Kóptegen óńirde joldar jabylyp, temirjol qyzmeti kidirispen jumys istep jatyr. Kúnniń qatty sýytýyna baılanysty Belgıa men Lúksembýrg arasyndaǵy poıyzdar qatynasy ýaqytsha toqtatylǵan.
Pikir qaldyrý