Izraıl polısıasy Ierýsalım qalasyndaǵy áskerılerge shabýyl jasaǵan qaskóıdiń aty-jónin anyqtady. Bul týraly 24.kz habarlaıdy. Ol Djebel Mýkaber aýdanynyń turǵyny 28 jastaǵy Fadı Kýnbar esimdi palestındyq bolyp shyqty. Qastandyqtan 4 áskerı qyzmetker mert bolyp, 13-i jaraqat alǵan. Al shabýyldy jasaǵan adam sol jerde polısıa qolynan qaza tapty. İle-shala shabýyldy «Hamas» toby óz moınyna aldy. Aıta keteıik, Izraıl men Palestına arasyndaǵy qaqtyǵystar 2015 jyldyń qyrkúıeginen beri ýshyǵyp ketken. Sol ýaqyttan bastap Izraıl áskerılerine 300-den asa shabýyl jasaldy. Saldarynan 40-qa jýyǵy qaza taýyp, 500-den astam ızraıldik jaraqat aldy. Qaqtyǵystardan 230-den astam palestınalyq mert bolǵan.
Pikir qaldyrý