Irak astanasy Baǵdatta jeksenbi kúniniń tańynda taǵy da jarylys boldy. Bul joly da jarylǵysh qoıylǵan kólik adam kóp júretin bazarda jarylyp ketken. Saldarynan 12 adam kóz jumyp, 50 adam jaraqat aldy dep málimdedi newsru.com.
Terakt shııtter kóp ornalasqan Baǵdadtyń ońtústik aımaǵy Djamala aýdanynda bolǵan dep habarlaıdy Reuters.
Al, buǵan deıin 31 jeltoqsan kúni shahardyń basqa bazarynda jarylǵysh qoıylǵan kóliktiń kúli kókke ushqan bolatyn. Ol kezde 28 kisi ajal qushyp, taǵy 54-ge jýyǵy aýyr jaraqat alǵan. Artynsha bul shabýyl úshin jaýapkershilikti «Irak pen Levant lańkestik toby» óz moınyna aldy.
Pikir qaldyrý