Jýrnalıser spıkerdiń bul is-áreketin qylmysqa balap otyr.

Sheshen parlamentiniń orynbasary Magomed Daýdov «Kavkazskıı ýzel» portalynyń bas redaktory Grıgorıı Shvedovqa qoqan-loqy kórsetti dep habarlaıdy korrespondent.net, málimettiń qazaqsha nusqasyn «Qamshy» portaly oqyrman nazaryna usynady.

Daýdov Instagram jeli paraqshasynda «Shvedovtiń aqyl tisterin qaǵyp alyp, tilin julyp alamyn» degen sózdermen post jazǵan bolatyn. Óz jazbasyn «Kavkazskıı ýzeldi qalaı sheshýge bolady?» degen sýretpen salǵan.

Grıgorıı Shvedov Daýdovtyń mundaı qoqan-loqy kórsetýi tek jeke ózine ǵana emes, barlyq tilshilerge baǵyttalǵanyn tilge tıek ete otyryp, óz málimdemesin jasady. «Bul birshama sheneýnikter qosylyp aıtqyzyp otyrǵan essiz adamnyń sózi. Bul post jeke meniń atyma baǵyttalǵanymen, ondaǵy qoqan-loqy sózder tilshiler qaýymyn qorqytý maqsatynda aıtylǵan», - dedi «Kavkazskıı ýzel» portalynyń bas redaktory.

Shvedov Daýdovtyń bul postyn zańgerlermen talqylap jatqandyǵyn habarlady. Tilshiniń aıtýynsha, sheshendik spıker Qylmystyq kodekste kórsetilgendeı, tilshilerdiń quqyǵyn taptaý baby boıynsha jaýapqa tartylýy qajet.

Sonymen qatar, «Kavkazskıı ýzel» portaly buqara halyqtyń  bılik tarapynan kórsetilgen qysymnyń saldarynan zardap shegip jatqandyǵyn kúndelikti bas taqyryp retinde jazýda. Atalmysh saıt jeltoqsan men qańtar aılarynda Groznyı qalasynda polısıa qyzmetkerlerimen atysqan sodyrlardyń týystaryn tutqyndaǵany jaıly maqala jazǵan bolatyn.

«Kavkazskıı ýzel» saıty, sonymen qatar, Kenhı aýylyndaǵy Ramazan Djalaldınovtyń úıin Pýtınge memlekettegi jaǵdaı nasharlap, sheshen sheneýnikteriniń qarǵysyna ushyraýyn tilegeni úshin órtep jibergendigi jaıly habarlaǵan.

2016 jyly «Kavkazskıı ýzel» saıtymen seriktestik qurǵany úshin Sheshendegi Shalınskıı aýdandyq soty tilshi Jalaýdı Garıevti úsh jyl bas bostandyǵynan aıyrý jaıly úkim shyǵarǵan. Garıevti esirtki saqtady degen aıyppen qamaýǵa alǵan bolatyn. «Kavkazskıı ýzel» portaly bul isti qoldan jasalǵan aıyp dep aıtqan.