Amerıkalyq kınojuldyz Merıl Strıp «Altyn globýs» premıasyn alý saltanatynda AQSH prezıdenti Donald Trampty synady. Atap aıtqanda, múgedek arbasyndaǵy New York Times jýrnalısi Serj Kovaleskıge parodıa jasaǵan mıllıarderdiń qylyǵy jıirkenishti ekendigin aıtty.

Strıp Tramptyń bul áreketi onyń júregin jaralaǵanyn, alaıda aýdıtorıa tisin aqsıtyp kúlgenin áńgimelep berdi.  

«Memlekettiń eń joǵary laýazymyn ıelenbekshi bolyp kúresken adam ózinen sheni, aıyryqsha quqyǵy tómen, jaýap qaıtara almaıtyn múgedek reporterge parodıa jasaıdy»— dedi aktrısa. Baıqaǵanyńyzdaı, ol prezıdenttiń esimin birde-bir ret atamady.

Strıp sonymen qatar Tramptyń zańsyz mıgranttardy elden qýý kerek dep aıtqan sózin synady. Onyń aıtýynsha, Gollıvýdtyń ózi «aýtsaıder men shet eldikterden» turady, eger olardyń bárin qýsaq, fýtbol men jekpe-jek kúresten basqa tamashalaıtyn eshteńe qalmaıdy.

AQSH prezıdenti óz kezeginde Merıl Strıpti «lıberaldy» jáne «Klıntonnyń fanaty» dep jaýap qaıtardy.

Esterińizge sala keteıik, Donald Tramp 2015 jyly New York Times gazetiniń reporteri Serj Kovaleskıge parodıaǵa jasaǵan bolatyn. Onyń parodıasyna árkim ártúrli pikir bildirdi. Aıaǵynda, shyn máninde Tramp jýrnalısi mazaqtaǵan joq degen málimdeme jasaldy. 

, ,