«Dom-2» realıtı-shoýynda qazaqtarǵa oryn joq

/uploads/thumbnail/20170709193645694_small.jpg

«Dom-2» (Úı-2) realıtı-shoýynyń uıymdastyrýshylary Qazaqstanda kastıng ótkizedi dep habarlaıdy vistanews.ru Alǵashqy irikteýdi Astana qalasynda ótkizbek. Al kastıngti "Dom-2" júrgizýshisi Andreı Cherkasov júrgizedi. Atalmysh saıttyń málimetine saı, reseılikter «Dom-2» shoýyna qatysqysy kelmeıdi eken. Buǵan tań qalýdyń qajeti joq. Sebebi «Dom-2» reseılikterdiń arasynda arzan, eshqandaı salmaǵy joq joba retinde qabyldanady. Osynda «Qazaqstandyqtar úshin bul shoýdyń ne qajet bar?» degen suraq týyndaıdy. Eshqandaı tárbıelik máni joq, tek reıtıńke ǵana negizdelgen joba alǵash shyqqanda, otandyq telearnalardyń birinde  kórsetilgen. Sonda qazaqstandyq kórermen «qazaq mentalıtetine jat» dep narazylyqtaryn bildirgen edi. Kóp uzamaı atalmysh shoý efırden alynyp tastaldy. Qazaqstanda kórsetilimin toqtatqan shoý, Reseıde Latyn Amerıkanyń uzyn sonar telehıkaıasy sekildi  birneshe jyldan beri kórsetilip keledi. Onda satqyndyq, kózge shóp salý, balaǵat sózder, temekini býdaqtaǵan jastar, bir-birin aldaǵan qyzdar men jigitter, turaqsyz mahabbatty kóresiń. Qarapaıym mádenıet, ádep sekildi uǵymdardan ada jobada qara kóz qazaqtyń qyzdary men jigitteriniń júrgeni jaraspas. 

                                                                                                                                                                                       

Pikir qaldyrý

Qatysty Maqalalar