Sırek kezdesetin aýrýmen týylǵan qytaı balasynyń taǵdyry mıllıondardyń nazaryna ilikti. Balanyń bet súıekteri ajyraǵan, sol sebepti aýzy men qulaǵynyń arasy bólinip ashyq turady. Bir qaraǵanda balada eki bet bar sıaqty.

Hýıkang 2009 jyldyń naýryzynda fermer otbasynda QHR-nyń Sántan óńirinde dúnıege kelgen. Balasyn alǵash baýyryna basqan kezde anasy shoshyp qalǵanyn eske alady.

«Bópemdi maǵan alyp kelgende bir sátke aıaq-qolym istemeı qaldy» deıdi anasy Iı Lansy.  Balam jylap jatty, meniń de júregim qan jylady. Ne úshin? degen suraqty óz-ózime qoıa berdim.

Iı Lansy júktilik barysynda ÝZD-ny úsh ret jasaǵanda dárigerler balanyń boıynan eshqandaı aýytqý baıqamaǵandaryn aıtyp berdi. Búkil otbasy anasynyń balasynan bas tartqanyn qalaǵan, alaıda ájesi olarǵa qarsy shyǵypty. Iı Lansynyń otbasy dástúrli qytaı otbasy bolǵandyqtan kórshileriniń olar jaıly ne deıtini, qalaı qaraıtyny mańyzdy eken. Eshnársege qaramastan Iı Lansy Hýılangtan bas tartpaıdy.

Anasy balasyn jergilikti emhanaǵa aparyp kórsetkende atalmysh oqıǵa BAQ-ta keńinen taralyp ketedi. Búkil qoǵam, el bolyp Iı Lansyǵa qoldaý kórsetilgen. Olar bolsa osy ýaqytqa sheıin balanyń emine úlken qarajat jumsap kelgen. Qaıyrymdylyq sharalarynyń nátıjesinde búginde qyrýar aqsha turatyn qymbat ota jasatýǵa múmkindik bar. Qarajat daıyn bolǵanmen, otany qazir jasatýǵa bolmaıdy eken. Bala 10 jasqa kelgende, onyń bet súıegi kádimgi balanykindeı bolyp ósken jaǵdaıda ǵana ota jasaýǵa bolatyny belgili boldy.

Degenmen, Hýılangqa bir ota jasalynyp qoıdy. Jergilikti televıdenıe óz kezeginde bul týraly sújet daıyndaǵan eken. Ondaǵy maqsat Hýılangtyń densaýlyǵy men taǵdyryna alańdaǵan myńdaǵan adamnyń kóńilin ornyna túsirý bolatyn. 

Aýdarǵan: Jazıra Baıdaly