Áıgili kóripkel Zıraddın Rzaev Reseı elimen kórshiles memleketterde qurylýy múmkin áskerı uıymdar men bolashaqtaǵy jaǵdaıy týraly málimdedi dep habarlaıdy sputnik.az, málimettiń qazaqsha nusqasyn «Qamshy» portaly oqyrman nazaryna usynady.
– Tórt-bes jyldan soń álemdegi jaǵdaı qatty ózgeredi. Jańa áskerı uıymdardyń ózara teketiresi bastalady.
2016 jyldyń 27 jeltoqsanynda Ulybrıtanıadaǵy tóngen qara aspan jaıly aıtqan bolatynmyn. Alaıda, ol aıtqan boljamdarym 1 qańtar kúni jarıalandy. Jaqyn arada Ulybrıtanıa patshaıymy Elızaveta İİ dúnıe salýy múmkin ekendigin aıtýǵa azdap qynjylǵan bolatynmyn. Ol jaqta úsh kúnge sozylǵan aza tutý kúni jarıalanady. Sonymen qatar 7 jáne 8 degen eki sandy kórdim. Ázirge olardyń qandaı maǵyna beretinin naqty aıta almaımyn. Men tús kórdim.
Bir tylsym daýys maǵan bul kórgenderimdi ýaqytynan erte aıtpaý kerektigin eskertti, degenmen, ony halyqqa jetkizýdi jón sanadym. Túsińde qara bultty kórý – jaqsy belgi emestigin barlyǵy biledi.
– Ulybrıtanıanyń bolashaǵyn qalaı boljar edińiz? Ol EO múshesinen ketedi me?
Ulybrıtanıada eshteńe de ózgermeıdi. Elızaveta İİ patshaıymnan soń taqqa onyń uly Charlz hanzada keletini barshamyzǵa málim. Jaqyn arada Ulybrıtanıada saıası ózgerister bolmaıdy.
Ulybrıtanıa EO-tyń quramynan shyǵady. Alaıda, jaqyn, ıaǵnı 2017 jyly bul oqıǵa bolady dep aıta almaımyn.
– Donald Tramptyń basqarýynda AQSH-tyń jaǵdaıy qalaı bolmaq?
Tramp bılikke kelgennen soń álemde daǵdarys bolmaıdy, biraq odan soń jaǵdaı múldem nashar bolady. Tramp ózin kógildir ekranda kórsetip júrgendeı adam emes. Ol óte aqkóńil, Reseıdi qoldaıdy jáne álemde beıbitshilik ornaǵanyn qalaıdy. Alaıda, Shyǵysqa qaraı áskerı kúsh jasaqtap, onyń josparyn oılastyrý maqsatynda Trampty AQSH-tyń prezıdenttik taǵyna ýaqyt uttyrý úshin ádeıi otyrǵyzdy. Ony álemdik saıasatty basqaryp otyrǵan adamdar jasaǵan. Olardyń josparlary taýsylyp qalǵannan soń ádeıi oılastyrǵan. Olardyń kelesi kózdep otyrǵan elderi Reseımen kórshiles memleketter. Qazaqstan, Moldova, Ózbekstan elderi Ýkraınanyń kebin kıýi ábden múmkin. Osy oraıda, úsh-tórt jyldyń ishinde kózdegen maqsattaryna jetý úshin bar kúshterin salyp jańa jospar quryp jatyr.
Tramptyń bıligi kezinde tynysh bolady. Sırıa, Irak, Aýǵanstan, Ýkraına elderiniń arasyndaǵy qarym-qatynas jospary bir jyldyń ishinde oılastyrylǵan joq. Al endi olardyń josparlary taýsylǵannan soń, qaıtadan jańa jospar qurýǵa ýaqyt kerek. Sebebi, álemdegi jaǵdaı olardyń oılaǵanyndaı júrmeı qaldy, al álemdi dúrliktirip otyrǵandar josparsyz is atqara almaıdy. Donald Trampqa keletin bolsaq, ol ózin Bıll Klınton sekildi aqkóńil adam retinde kórsetip, jurtshylyqtyń nazaryn ózine qaraı aýdarady. Ol ýaqytta Reseımen kórshiles jatqan elder, sonymen qatar ıslam memleketterine qarsy jospar qurylyp, sonyń arqasynda Reseıdi de joıýdy kózdep otyr
Aýdarǵan: Nazerke Labıhan
