Parlament májilisiniń depýtaty Amanjan Jamalov HQKO-da oryn alǵan adam ólimi jaıynda pikir bildirdi dep habarlaıdy «NewTimes.kz» agenttigi.
«HQQO-da bolǵan kisi ólimi Qazaqstanda tirkeý júrgizilip jatqandyqtan dep oılaısyzdar ma? Kisi ólse ne bopty, máselen, ol densaýlyq jaǵdaıyna baılanysty úıinde jatyp ta, ólip ketýi múmkin edi ǵoı. Mundaı máselemen jedel járdem qyzmetkerlerine júginý kerek», – dedi depýtat.
«Men ózimdi kináli dep sanamaımyn. Biz kóptegen zańdar qabyldaımyz al zańdardy júzege asyrý – qajetti shara. Qazirgi ýaqytta tirkeý durys baǵytta júrgizilip jatqanyna eshkim kúmán keltirmeıdi», – dep málimdedi Jamalov.
Esterińizge sala keteıik, búgin Almaty qalasynyń Alataý aýdanynyń HQKO-da 53 jastaǵy er adam qaıtys boldy.
Al, odan bólek, 11 qańtar kúni Almaty oblysynyń İle aýdanynadaǵy HQKO-da 60 jastaǵy er adam kóz jumǵan bolatyn.
Depýtattyń bulaısha aqtalýy qazirdiń ózinde halyqtyń narazylyǵyn týǵyzyp, jelide qyzý talqylanýda. Solardyń biri "Facebook" paraqshasynda mynandaı da pikir bildirgen.
Ularbek Dáleıuly: «Azamattardy ýaqytsha tirkeý týraly zań» arqyly bizdiń bıliktiń búlikshilermen, terrorıstermen, t.b. qylmystyq jaǵdaılarmen kúresýge daıyn emes hám qaýqarsyz ekenin kórsetti. Sonymen qosa, bul pispegen zańy arqyly joǵaryda qanshama bilimsiz mamandardyń el qazynasynan aılyq alyp otyrǵanyn da bildik. Eki adamnyń ólimine sebep boldy. Endi maratorıı jarıalaıdy dep oılaımyz. Álde, táýelsizdiktiń 26 jyldyǵyna oraı HQKO-da ýaqytsha tirkeýge kelgen 26-shy adamnyń óliminen keıin baryp, bul shıki, asyǵys zańǵa toqtaý qoıyla ma, álde?.."
Vıdeo "Azattyq radıosy" saıtynan alyndy.
