Qazaq tarıhynyń janashyry, «XIX ǵasyrdyń 20-40 jyldaryndaǵy Qazaqstan» atty eńbektiń avtory Ermuhan Bekmahanov týraly fılmniń jelisi birneshe ýaqyt aralyǵyn qamtıdy: XIX ǵasyrdyń orta tusy Kenesary hannyń táýelsizdik jolyndaǵy kúresi, XX ǵasyrdyń ortasy jáne 60-jyldardyń sońy. Tarıhı týyndyda qazaqtyń sońǵy hany Kenesary Qasymov bastaǵan ult-azattyq kóteriliske arnalǵan zertteýleri úshin 25 jylǵa bas bostandyǵynan aıyrylǵan totalıtarlyq júıeniń qurbany, alash arysy Ermuhan Behmahanovtyń taǵdyry baıandalady.

Fılmniń rejıseri jáne senarı avtory - Qazaqstannyń eńbek sińirgen qaıratkeri, Memlekettik syılyq laýreaty, Fransıa kınoakademıasynyń Jorj Sadýl atyndaǵy syılyǵynyń laýreaty Satybaldy Narymbetov.

Fılmde basty keıipker Ermuhan Bekmahanovtyń rólin Berik Aıtjanov, Halıma Behmahanovanyń rólin Qarlyǵash Muhamedjanova somdady. Kenesary han rólinde Sanjar Mádıev oınaıdy. Sondaı-aq, fılmge Ázız Beıshenálıev, Quralaı Anarbekova, Erden Telemisov, Azat Nurtaev, Shynar Janysbekova, Ajar Ybyraeva, Artem Mıtnev qatysqan.