Nesibeli Ibragımova sý men nan úgindisiniń arqasynda aman qalǵan. Qyzdy ash qursaq qaldyryp, Golánovodaǵy azyq-túlik dúkeninde ustap otyrǵan. Bul týraly informburo.kz habarlaıdy.

Mamyr aıynda qyz Máskeýde aqsha tabýǵa jolǵa shyǵady. Oǵan jaqsy jalaqy men yńǵaıly eńbek jaǵdaılaryn usynady. Biraq iske kelgende bári basqasha bolyp shyǵady. Máskeýge kelisimen, onyń qujattary men telefonyn tartyp alyp, sýpermarkettiń ishine jarty jylǵa qamap qoıady.

Nesibelige aıyna bir ret týystaryna habarlasýǵa ruqsat beredi. Ol dúken basshysynyń qatań baqylaýymen iske asady.

«Meniń qujattarym men zattarymdy tartyp alyp, barlyq júgimdi alyp qoıdy. Ózime bir ǵana kıim qaldyrýǵa ruqsat berdi. Basqa eshteńe qalmady. Men kókónis bóliminde demalyssyz jumys isteı bastadym. Dúkenniń ishinde uıyqtap júrdik, tamaqtyń ornyna nan beredi, sorpanyń ornyny sý beredi. Ony da tez jeýimiz kerek. Únemi taıaqtyń astyna alady», – dedi qyz.

Nesibelimen birge quldyqta basqa da adamdar qurban bolǵan. Dúken ıesi olardy qanap, keıbir nárselerdi olardyń erkinen tys istetýge májbúrlegen.

«Bizdi araq ishýge májbúrleıtin. İship, uıyqtap qalasyń, bárin umytyp ketesiń. Dúken ıesinen tanysy meni kim dep suraǵan kezde, bári ketip qaldy, tek jezóksheler qaldy dep jaýap berdi,– deıdi Nesibeli.

Qyzǵa «Azamattyq kómek» komıteti men «Álternatıv» belsendileri kómektesken. Endi olar isti sotqa deıin jetkizýge tyrysady.

Nesibeli Ibragımova birneshe ret qashýǵa áreket jasasa da, onysynan túk shyqpaǵan. Quldyqtan qutylýǵa dúkenniń klıenti kómektesken. Dúkenge kelip júrgen áıel adam Nesibelige kómek kerek ekenin baıqap, ony metroǵa deıin aparǵan. Qazir Nesibeli Qazaqstanda.