«Irak jáne Kýrdtik bılik tarapy Aq úıdiń Iraktaǵy radıkal kúshterdi tizgindeý úshin áýeshabýyldyq kómek berý týraly juma kúngi sheshimin qýana qabyldady»,- deıdi NBC News 8 tamyzdaǵy aqparatynda. Iraqtaǵy Kýrd avtonomıasynyń din isteri jónindegi mınıstri Halıd Djamal Alber radıkal kúshter jaǵynyń qorshaýymen taý basynda qamalyp, ashtyqta qalǵandarǵa AQSH tarapynyń áýeden azyq-túlik pen sý jiberip berýlerine alǵystaryn bildirdi. «Biz Barak Obamaǵa rahmet aıtamyz»,-deıdi ol. «Jumadaǵy málimetter boıynsha, Irak jáne Sham ıslam memleketi(ISHIM, ISIS) atalǵan radıkal kúshter úsh nemese odan da kóp qalashyqty basyp alǵany málim»,- deıdi NBC News. Qýattanyp kele jatqan Irak jáne Ál-SHam ıslam memleketi men onyń odaqtastary aýmaqtaǵy azshylyq toptardy qyrǵyndap, asqynǵan gýmanıtarlyq daǵdarys týyndatty.

Al, Amerıka tarap bul kómek berý operasıasy jaıynda: «AQSH ushaqtary ashtyqta qalǵandarǵa sý men azyq-túlikterdi tabysty túrde jetkizip, qaterli aýmaqtan qaýipsiz qaıtyp oraldy»,- dep aqparat taratty.

Sanat Naqqazaq