«Jumadaǵy málimdemesinde Aq úılikter Iraktaǵy soǵysqa Amerıkanyń áskerı aralasýynyń sońy jańa soǵysqa ulasyp ketpeıtinine AQSH halqyn sendirýge tyrysty»,- deıdi «Haffıngton Post» keshegi jańalyǵynda. Atalǵan Amerıkalyq aqparattyń aıtýynsha, halyqtyń saıası jáne qoǵamdyq alańdaýshylyǵyn báseńdetý úshin osyndaı málimdemeler jasalǵan.
«Aq úıdiń baspa sóz hatshysy Djosh Ernest AQSH taraptyń bul soǵysqa qatysýynyń uzaqqa sozylyp ketpeıtinin birneshe ret qaıtalap eskertti»,- dep jazǵan «Haffıngton Post» bul áskerı aralasýdyń Irak pen Shamdaǵy ıslam memleketi (ISHIM) atalǵan qarýly kúshterge úlken soqqy bererdeı operasıalarǵa bara qoımaıtyndyǵyn jetkizip otyr. Oǵan qosa, bul «uzaqqa sozylmaıtyn» áskerı kómektiń qanshalyq ýaqytqa jalǵasatyndyǵyn da aıqyndap aıtpady. Aq úı baspa sóz hatshysy jýrnalıserge juma kúni tústen buryn eki áskerı ushaqpen bastalǵan kómek operasıasynyń naqty aıaqtaý merzimi álige belgilenbegenin málimdegen. «Prezıdent naqty bir datany bekitpedi»,- deıdi ol.
Aq úı baspa sóz hatshysy Barak Obamanyń Irakta keshendi soǵys júrgizýge peıildi emes ekenin, tek sondaǵy jergilikti turǵyndarǵa gýmanıtarlyq kómekter berýdiń jedel qajettigi men óńirdegi AQSH personaldarynyń qaýipsizdigi úshin osy qadamǵa baryp otyrǵandaryn túsindirgen. Onyń ústine, AQSH-tyń Irak jaıyndaǵy soǵysqa aralasýyn aıaqtatý týraly ýádesi Barak Obamanyń Aq úıge jaıǵasýyna negizgi sebep bolǵandyqtan, osy jolǵy Iraqqa áskerı kómek berý jaıyndaǵy sheshim tipti sezimtal bolyp otyrǵan kórinedi.
Málimdemede bul áýe kúshteriniń kómegi óte shekteýli kólemde bolatyndyǵyn birneshe márte qaıtalaı eskertken Djosh Ernest: «Vashıngtonnyń eń negizgi kózdegeni, aýmaqtaǵy AQSH qyzmetkerlerin qaýip tóndirip kele jatqan ISHIM-nan qorǵaý jáne dindik azshylyq top esepteletin Iazıdısterge sý men azyq-túlik jetkizip berý»,- dep otyr.
Aq úı baspa sóz hatshysy operasıanyń qanshaǵa sozylatyny jaıynda suralǵanda: «Men operasıa haqyndaǵy naqty ýaqyt kesteleri týraly eshteńe de aıta almaımyn. Alaıda, men áskerı árekettiń uzaqqa jalǵasýy týraly prezıdenttik ornalastyrýdyń joq ekendigin senimmen jetkize alamyn»,- degen.
Daıyndaǵan: Sanat Naqqazaq.
