Kásipqoı boksqa sholý jasap, tyń aqparattar jazatyn Boxing Legends TV tvıtter-akkaýnty bıyl jazda Gennadıı Golovkın – Bıllı Djo Sonders jekpe-jegi Qazaqstanda ótýi múmkin ekenin málim etti, dep habarlaıdy prosports.kz
«Bıllı Djo Sonderstiń Gennadıı Golovkınge qarsy jekpe-jegi jazda Qazaqstanda ótedi dep josparlanýda», - dep habarlamada jazylǵan.
«Sonders Djeıkobs – GGG jubynyń jeńimpazymen kezdesedi dep habarlaıtyn shyǵar. Biraq qarjysy, ótetin orny jáne taǵy basqalary kelisildi», - delingen.
Eger bul aqparat rastalsa, jekpe-jek Astanada EKSPO-2017 aıasynda ótýi yqtımal.
Orta salmaqta WBO tujyrymy boıynsha álem chempıony aǵylshyn boksshysy Bıllı Djo Sonders (24-0, 12 KO) osy salmaqtaǵy WBA (Super), IBO, WBC jáne IBF tujyrymdary boıynsha álem chempıony qazaqstandyq Gennadıı Golovkınmen (36-0, 33 KO) jazda Qazaqstanda jekpe-jek ótkizýge kelisken. Sonders Boxing News basylymyna bergen suhbatynda Golovkınniń qarsylastardy «taptap» júrgeninen qoryqpaıtynyn málimdedi. Bul týraly Tengrinews.kz habarlaıdy.
«Men osy kúnge deıin júreksinbeı Golovkınmen judyryqtasa alatyn adamdy kórmedim. Golovkın qarsylasyn soqqyǵa jyqsa, olar birden jeńilip, berile salady. Biraq ol meni munymen qorqyta almaıdy, ras aıtamyn. Men ony qashyqtyqta ustap turýǵa tyrysamyn. Degenmen ol meni qorqyta almaıdy. Menińshe, Golovkın – ǵalamshar boıynsha úzdik boksshy, biraq myqty boksshy ataný úshin myqtylarmen judyryqtasý kerek. Ol maǵan kerek adam», - dedi Sonders.
Alaıdy, orta salmaq boıynsha WBA álem chempıony Genadıı Golovkın Bıllı Djo Sonderstiń shynymen onymen judyryqtasqysy keledi degenine senbeıdi, dep jazady sports.kz
«Bıllı Djo Sonders menimen jekpe-jekke shyqqysy keledi degeni qaljyń, ol muny ázildep aıtqan. Men «Kanelomen» synǵa túsip, kóp kezdesýler ótkizgim keledi. Alaıda, basqa bokserlermen judyryqtasýǵa da daıynmyn.
Bizdiń jekpe-jek – Domenık Ýeıd úshin úlken múmkindik. Men ózimniń chempıon booǵanǵa deıingi kezde ne sezingenimdi bilemin, sol sebepti de ol bul kezdesýge erekshe daıyndalyp jatqanyn jáne de qalaı da jeńiske jetemin dep turǵanyn bilemin», - deıdi Qazaqstandyq sportshy.
